۴۴ مین ایللیک قورد جسدی

۲۰۲۱-جی ایلده روسییانین دوغوسونداکی یاقوتیستان ساکینلری دونموش توپراق ۴۴ مین ایللیک قورد جسدی تاپدیلار. بیلیم آدالارینین گؤروشونه گؤره بو جسدده قدیم ویروسلار اولابیلر

2157831
۴۴ مین ایللیک قورد جسدی

روسییانین یاقوتسک شهریندکی قوزئی دوغو فدرال اونیوئرسیته‌سینین آراشدیرماجیلاری مومییالانمیش قالینتیلاری آراشدیراراق حیوان حاقیندا داها چوخ بیلگی الده ائتمه‌یه چالیشیرلار.

دوندورما شرایطی سبیری قوردونون مومیالانماسینا و موکممل شکیلده قوروماسینا یاردیم ائتدی.

دیشلری و توکلرینین چوخو هله‌ده ساغلامدیر و بعضی اورگانلارینین قوروندوغو گؤرونور.

بو باره‌ده آلبئرتا اونیوئرسیته‌سینین آنتروپولوقو روبئرت لوسی، بیزینس اینسایدر مجله‌سینه بئله دئدی: "بو، داها اونجه تاپیلمیش تک یئتیشگین پلیستوسن دؤورو قوردودور و بو باخیمدان دیققت چکیجیدیر. بو قدر یاخشی قورونموش قدیم حیواندان چوخ شئی اویرنمک اولار. حیات طرزی، یئدیغی یئمکلر و حتی صاحب اولدوقلاری قدیم باکتئریلر و ویروسلار حاققیندا اؤیرنیله‌جک چوخ شئی وار". 

لوسی‌یه گؤره، ۴۴.۰۰۰ یاشلی قورد، احتیمال کی، نسلی کسیلمیش بیر نؤعه عائید ایدی و معاصیر قوردلاردان داها بؤیوک ایدی.

دیشینی آراشدیردیقدان سونرا بیلیم آداملاری قوردون یئتیشگین بیر ارکک اولدوغونو دوشوندولر.

"هر هانسی نامعلوم میکرواورقانیزم گله‌جکده داوالارین حاضیرلانماسیندا رول اوینایابیلر"

بویوک احتیمال، بو قورد، ماموتلارین، یونلو کرگدنلارین، نسلی کسیلمیش آتلار، بیزون و ماراللارین یاشادیغی دوز و سویوق بیر موحیطده اوولانیردی.

بو حیوانلارین بعضیلرینین قالینتیلاری، هله‌ده قوردو معده‌سینده تاپیلابیلر.

آراشدیرماجیلار داها چوخ معلومات الده ائتمک اوچون قوردون معده و هضم سیستئمیندن نمونه‌لر گؤتوروب و سونوجلارینی گؤزله‌ییرلر.

بیلیم آداملاری قید ائدیرلر کی، ایسته‌نیلن نامعلوم میکرواورقانیزم گله‌جکده داوالارین حاضیرلانماسیندا رول اوینایابیلر.

دونیا ایتسیلیک درجه‌سی یوکسلدیکجه یئر کوره‌سینین ابدی دونونون اریمه‌سی ایله بئله قدیم جانلیلارین داها چوخ اورتایا چیخاجاغی احتیمال ائدیلیر.

اورنک اولاراق، ۲۰۲۲ جی ایلده آشکار ائدیلمیش موکممل قورونوب ساخلانیلمیش بیر کؤرپه ماموت هله‌ده معاینه مرحله‌سینددیر.

آنجاق بو آراشدیرمالار بعضا سورونلارا سبب اولابیلر.

۲۰۱۶-جی ایلده سیبیرینین یامال یاریماداسیندا دونموش توپراقین اریمه‌سی ایله تاپیلان دونموش مارال جسدیندن قارایارا خسته‌لیگینه سبب اولموش، ۳۶ نفرین خسته‌لیگی و بیر اوشاغین اؤلومونه سبب اولموشدو.

 

 


اتیکتلر: #سیبری , #قورد

ایلگیلی‌لی خبرلر