تورک مطبخی (48)

تورک مطبخی (48)

یایین تاریخی 26 نوامبر - 02 دسامبر

ت.ر.ت تورکیه‌نین سسی رادیوسوندا، تورک مطبخی پروقرامین‌دان سلاملار.

تورک یئمک مدنیتینه دایر قیسا معلومات‌لار وئرمک، تورک مطبخین‌دن تعریفلر وئریریک بو پروقرامدا.

تورک یئمک مدنیتینده سحر یئمگی یئری تام فرق‌لی‌دیر. ائله بیر پارچا کیک و یا بیر قاب تاخیل لوپا یئیه‌رک قهوه آلتی ائدیلمز. عنعنوی تورک یئمگینده قهوه دئییل چای ایچیلیر و چای ایچمک اوچون فینجان یئرینه کیچیک شوشه ایستکان‌لارا ایستیفاده ائدیلیر. قهوه ایسه قهوه آلتی بیتدیک‌دن سونرا سون نقطه‌نی قویماق اوچون ایچیلن بیر ایچکی‌دیر. اونسوز دا سحر یئمگی تورکجه معناسی دا "قهوه آلتی یعنی؛ قهوه‌دن اؤنجه "شکلینده ترجومه ائدیله‌بیلر. قهوه آلتیدا چایین یانیندا نه یییئر تورک‌لر؟ اوّلجه پنیر و زیتون. بلی، سهو ائشیتمه‌دینیز زیتون! بیر چوخ مدنیتده آپراتیو و یا چئرز/تنقّلات اولا‌راق مصرف ائدیلن زیتون، تورک قهوه آلتی‌سی‌نین اولمازسا اولمازلاریندان بیری‌دیر.

پنیره گلینجه، هر نوع پنیر قهوه آلتیندا مصرف ائدیله بیلر. ماسادا ان آز بیر نئچه نوع پنیر اولور اما "آغ پنیر" هر زامان باشکؤشه‌ده‌‌دیر. تورک اوصولو قهوه آلتیدا ماسا چوخ زنگین‌دیر عنصوردو دا. زیتون، پنیر، کره یاغی، بال، مورابا یانیندا سوجوک، سوسیس کالباس کیمی محصول‌لاری، فرق‌لی شکیل‌لرده پیشیریلمیش یومورتا‌لار؛ بؤره‌ک کیمی خمیر ایشلری، قیزارتما تروزلر، دولما‌لار، بامادور خیار، بیبر و نوع نوع یاشیل اوت یئر آلابیلر قهوه آلتیدا.

------

تورک مطبخی پروقرامیندا بو گون تورکیه‌ده قهوه آلتی سوفره‌لری‌نین سئویلن یئمک‌لرین‌دن بیری اولان "منئمئن/ اوملت" تعریفی پایلاشاجاغیق سیزلرله.

بامادور، بیبر و بعضن سوغان دا ایستیفاده ائدیلن بیر نوع اوملت اولا‌راق تعیین ائده‌بیلریک منئمئنده.

ایندی حاضیرسینیزسا، اوملت پیشیرمک اوچون لازیم اولان وسایللریمیزی سایابیلریک آرتیق.

4 عدد بامادور

1 عدد سوغان

4 عدد آجی یاشیل بیبر

3 عدد یومورتا

2 یئمک قاشیغی مایع یاغ

1/3 چای قاشیغی دوز

1/3 چای قاشیغی قارا بیبر

موسیقی اوملت نئجه پیشیریله‌جگینی ایضاح ائتمه‌یه کئچمه‌دن اوملت سوغان‌لی می سوغان‌سیز می پیشیریله‌جگی موضوعسوندا تورک‌لرین ایکییه بؤلوندوگونو سؤیلمکده فایدا وار. بیر قروپ مئنئمئن قطعی‌لیکله سوغان ایستیفاده ائدیلمه‌دن پیشیریلمه‌سی لازیم اولدوغونو ادعا ائدرکن او بیری قروپ ایسه سوغان‌سیز اوملت اولمایاجاغینی ساوونور. بیز بورادا سوغان ایستیفاده ائدیله‌رک پیشیریلن بیر تعریف وئریریک.

اگر ایسته‌سه‌نیز سیز سوغان ایستیفاده ائتمه‌دن بیرباشا بیبرلری قوووروب دا باشلایابیلرسینیز.

ایندی آرتیق تعریفیمیز وئرمه‌یه کئچه بیلریک.

 اوّلجه سوغان‌لاری و قابیغینی سویدوغونوز بامادورلاری کیچیک کوپ‌لر حالیندا دوغرایین. اوزونلاماسینا کسیب، نوع‌لرینی چیخاردیغینیز ایتی بیبر یاریم آی شکلینده کسین. مایع یاغی بیر تاوادا قیزدیرین. سوغان‌لاری 4- 5 دقیقه قدر قووورون. آردین‌دان؛ ایتی بیبر علاوه ائدین و قووورما عملیاتینی داوام ائتدیرین. دوغرادیغینیز بامادورلاری علاوه ائدین و بامادورلار سویونون بؤیوک بیر بؤلومونو چکنه قدر دیگر وسایل‌لرله بیرلیکده پیشیرین.

یومورتا‌لاری، دوز و قارا بیبر علاوه ائده‌رک بیر کاسادا چیرپین و تاواداکی بامادورلو خرجله علاوه ائدین. آرا‌لاردا قاریش‌دیرا‌راق 3- 4 دقیقه قدر پیشیرین. آرزویا گؤره؛ قیزارمیش چؤرک دیلیملریله بیرلیکده گؤزلتمه‌دن، ایستی اولا‌راق سرویس ائدین.

نوش اولسون!

تورک مطبخی پروقرامیندا بو گون سیزلره بیر یومورتا یئمگی اولان و قهوه آلتیلاردا سئویله‌رک توکه‌تیلن " اوملت " تعریفی وئردیک. بیر باشقا پروقرامدا بیر باشقا تورک لذتیله گؤروشمک اوچون خوشچا قالین.