گوندم آنالیز: 50

فرانسادا اعتراض آکسیا‌لاری: سبب و نتیجه‌لر

گوندم آنالیز: 50

کئچن گون‌لرده فرانسا باشدا اولماقلا هوللاندیا و بلژیک-ده کوچه‌لرده حادثه‌لر باش وئردی و اعتراض آکسیا‌لاری کئچیریلدی. هوللاندیا و بلژیک-ده کی "ساری جیلیقالیلار"ین آکسیا‌لاری بیر قدر سؤنوک کئچسه ده، فرانسا-‌داکی نوماییش‌لر خیلی فعال اولدو. فرانسادا تهلوکه‌سیزلیک قوه‌لری‌نین 1700 نوماییشچینی نظارت آلتینا آلماسی وغیری-برابر گوجدن ایستیفاده ائتمه‌سی فرانسانین گوندمینده اؤز یئرینی توتدو. آیریجا فرانسا‌داکی نوماییشچی‌لرین آراسیندا پ.کا.کا ایله علاقه‌لی قروپ‌لارین و دیگر قروپ‌لارین واندالیزمه مراجعت ائتمه‌سی دقت چکدی. فرانسا پرزیدنتی امانوئل ماکرونون خالقا مراجعتیله فرانسا‌داکی گرگینلیگین آزالدیلماسی مقصد گؤتورولدو.

فرانسا‌داکی "ساری جیلیقالیلار"ین نوماییش‌لری قارشی‌سیندا فرانسیز پولیسی غیری-برابر گوجدن ایستیفاده ائتدی. بی‌بر گازی و گؤزیاشاردیجی گازدان ایستیفاده ائدن تهلوکه‌سیزلیک قوه‌لری فرانسا کوچه‌لری‌نین ساواش مئیدانینا اوخشار منظره اورتایا قویماسینا گتیریب چیخاردی. فرانسیز پولیسی‌نین تظاهرات ائدنلره قارشی تطبیق ائتدیگی شدت نوماییشچی‌لر آراسیندا بیر چوخ اینسانین یارالانماسینا سبب اولدو. نوماییشچی‌لرین پولیس‌لر طرفیندن ساخلانیلما‌لاری زامانی سیویل گئییم‌لی پولیس قوه‌لری‌نین زوراکی‌لیق تطبیق ائده‌رک نظارته گؤتورولن‌لری دؤیدوگو موشاهیده اولوندو.

فرانسیز پولیسی‌نین نوماییشچی‌لردن بعضی‌لرینی بیرباشا هدف گؤتوره‌رک پلاستیک گول‌له ایله وورماسی و نوماییشچی‌لره قارشی فرانسیز اردوسونون زیره‌لی آراج لاریندان ایستیفاده ائدیلمه‌سی، غیری-برابر گوجون ان اهمیت‌لی گؤستریجی‌لرین‌دن اولدو.

فرانسا‌داکی نوماییش‌لرده فرانسیز تهلوکه‌سیزلیک قوه‌لری‌نین غیری-برابر گوجدن ایستیفاده‌سی، اینسان حاق‌لارینا و دموکراتیایا ضد موضع اورتایا قویماسی قارشی‌سیندا باتی و خصوصیله آوروپا مطبوعاتی فرانسا‌داکی حادثه‌لرده اورتایا قویولان غیری-برابر گوجدن ایستیفا‌دنی گوندمه گتیرمه‌دی و مانشت‌لره چیخارمادی. دونیانین باشقا یئرلرینده کی نوماییشچی‌لره قارشی تطبیق اولونان پولیسین زوراکی‌لیغینی قیناماق و مانشت‌لره چیخارماسی ایله تانینمیش موختلیف بیر سیرا اعتبارلی مئدیا قورولوشونون فرانسانی گؤزدن یاییندیردیغی دقت چکدی.

فرانسا‌داکی نوماییش‌لرده زوراکی‌لیق حادثه‌لری زامانی دیوارلارا یازیلان یازی‌لار و بعضی سوسیال شبکه‌لردکی پایلاشما‌لار واسطه‌سیله پ.کا.کا ایله بیرگه حرکت ائدن بعضی تشکیلات‌لارین دا نوماییشچی‌لر آراسیندا یئر آلدیغی موشاهیده اولوندو. خصوصیله پ.کا.کا ایله بیرلیکده سوریه-ده موباریزه آپاران بعضی رادیکال سول تشکیلات‌لارین دا اولماسی سببیله فرانسا حکومتی نین هانسی آددیمی آتاجاغی ماراق‌لی‌دیر. بو چرچیوه‌ده فرانسیز تلویزیونوندا "ساری جیلیقالیلار" آدیندان چیخیش ائدن بیر شخصین نوماییش‌لردکی زوراکی‌لیق‌دان "رادیکال کوردلرله علاقه‌لی قروپ‌لاری" گوناهلاندیرماسی اهمیت کسب ائدیر.

دیگر بیر موضوع ایسه فرانسا حکومتی‌نین اؤلکه‌دکی نوماییش‌لرله علاقه‌لی خاریجی گوج‌لری گوناهلاندیریر. نوماییش‌لری قیزیش‌دیرماقدا روسیا ایله امریکانین دا اتهام اولونماسی دقت چکدی.

فرانسا‌داکی نوماییش‌لرده یاشانان واندالیزم زوراکی‌لیغی و پولیسین غیری-برابر گوجدن ایستیفاده‌سیندن سونرا فرانسا پرزیدنتی ماکرون خالقا مراجعت ائتدی و وعدلر وئره‌رک اؤلکه‌دکی گرگین‌لیگی ایندیرمه‌یه جهد گؤستردی.  آنکت لره گؤره ماکرونا دستک نیسبتی 26 فایزه دوشوب. ماکرون خالقا مراجعتینده اؤلکه‌ده درین و حاق‌لی بیر غضب اولدوغونو، مینیموم امک حاقی‌نین 100 یورو، آیریجا آیدا 2000 یورودان آز معاش آلان‌لارین امک حاق‌لاری‌نین آرتیریلاجاغینی دئدی. بونونلا دا اؤلکه‌ده نوماییش کئچیریلن‌لره جاواب وئردی.

تورکیه‌نین گوندمینه دایر تحلیل پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون " G-20 فرانسادا اعتراض آکسیا‌لاری: سبب و نتیجه‌لر" باش‌لیق‌لی آنالیتیک یازی‌سینی تقدیم ائتدیک.

 



ایلگیلی‌لی خبرلر