دین و توپلوم (16)
دگرلی اوخورلار!
ادبیاتیمیزدا دایانیشما، بیر بوتونو میدانا گتیرن عضولرین بیر هدفی گرچکلشدیرمک اوچون دوشونجه بیرلیگینه اساسلاناراق بیر بیریلرینه قارشی دستک اولماق اولاراق ایفاده ائدیلهبیلیر. سوسیال دایانیشما ایسه توپلومو میدانا گتیرن فردلرین هر قونودا بیر بیرلرینه کؤمکچی، دستک اولمالاری، آرخا چیخمالاری، ال و کؤنول بیرلیگی ائدهرک بیر ایشین اوستهسیندن گلمک دئمکدیر.
سوسیال دایانیشمانین تمل عنصورو اینساندیر. اینسان توپلو اولاراق یاشاماق مجبوریتینده اولان بیر وارلیقدیر. وارلیغینی داوام ائتدیرهبیلمهسی و قورویابیلمهسی اوچون سوسیال بیر چئورهیه احتیاجی واردیر. اینسان بعضی تمل حاقلارینی ضمانت آلتینا آلابیلمهسی اوچون توپلومون باشقا فردلری ایله دایانیشما ایچینده اولماسی لازیمدیر. کایناتداکی باشقا وارلیقلارا باخیلدیغیندا یوکسلمهیه، اولقونلاشمایا و ائییدیلمهیه احتیاجی اولان بیر وارلیقدیر. بوتون بونلارین یئرینه گتیریلهبیلمهسی اوچون اجتماعی گوج بیرلیگینه احتیاج واردیر. دایانیشما روحو ایله فردلر، عائلهلر، قوهوملار، قونشولار، دوستلار و باشقا اینسانلار بیر بیرینی سئور، هم ده سایار . شخصی و اجتماعی پروبلئملرین حلی آنجاق اجتماعی دایانیشمانین میدانا گتیردیگی گوج و دستکلمه ایله مومکون اولار. بو گوج سایهسینده توپلومدا باریش، دینجلیک و گوون تامین ائدیلر.
قرآنین ایفادهسینه گؤره اینسانلار بیر آنا و بیر آتادان یارادیلمیش، اؤز آرالاریندا دوستلوقلار قوراراق حیاتلارینی داوام ائتدیرمهلری ایستهنیلیر. فرقلی قبیله و بویلارین میدانا گلمهسی، اینسان بیرلیگینین سرعتلی چوخالماسینین طبیعی نتیجهسیدیر. توپلومده آساییشین تاسیس ائدیلهبیلمهسینین اؤنوندکی ان بؤیوک مانع بیلگیسیزلیکدیر. اینسانلار تاریخ بویونجا تانیمادیقلارینا دوشمن کسیلمیشدیر. حالبوکی اونلار تملده بیر آتانین اوشاقلاریدیر. بونو بیلمک اونلاری عینی دیرلر اوزرینده بولوشدوراجاقدیر. نئجه کی اینسانلاری ائتدیکلری یاخشی ایشلر دیشیندا اؤزلرینی باشقالاریندان فضیلتلی قیلاجاق بیر اؤزللیگین اولمادیغی آچیقدیر.
سوسیال دایانیشما، توپلومو میدانا گتیرن فردلرین تک تک هر بیرینین، ایچینده یاشادیقلاری توپلوما قارشی دویدوقلاری مسئولیتی ده اؤزو ایله گتیرر. بو مسئولیتدن توپلومون ان ساده عضووندن باشدا ایدارهچیسینه قدر هر کسین، اؤزونه دوشهنی یئرینه گتیرهبیلهجیی اؤلچوده پایی واردیر. دین بو دورومو، هر کسین آنجاق ائدهبیلدیگیندن مسئول اولاجاغینی بیلدیرمکله حیاتین تمل پرینسیپی حالینا گتیرمیشدیر. سوسیال دایانیشما سایهسینده توپلوم. میدانا گتیرن هر فرد، یاشادیغی توپلوما قارشی بیر سیرا وظیفه و مسئولیتلرین اولدوغو شعورونا و دویغوسونا چاتار. بو دویغو و بیلینج سایهسینده توپلومون فرد اوزرینده اولدوغو کیمی، فردین ده توپلوم اوزرینده حاقینین اولدوغونا دایر بیر آنلاییش یئرلشیر. بو آنلاییشلا حرکت ائدن فردلر وظیفه و مسئولیتلرینی ایفاده ائدرکن باهانهچیلیکدن حتی مسئولیتسیز داورانیشدان چئکینیرلر. توپلومدا هر حاق صاحبینین حاقینین وئریلدیگی، ضعیف و گوجسوزلرین احتیاجینین گئدریلدیگی بیر محیط یارانار.
سوسیال دایانیشما توپلومون ثابتلیگینی تامین ائدر. بیرلیک و برابرلیگین تامین ائدیلمهسینده، توپلوم دوزهنینین قورونماسیندا سوسیال دایانیشمانین فونکسیونو بؤیوکدور. بو معنادا توپلومدا یاشایان هر کسین سوسیال دایانیشمایا احتیاجی واردیر. حضرت پیغمبرین بو حدیثینی بو دورومو دستکلهمکدهدیر. "بیر بیرلرینی سئومکده بیریلرینه آجیماقدا، بیربیرلرینه شفقت گؤسترمکده مؤمنلرین وضعیتی بیر جسده بنزر. اوندا هر هانسی بیر اورگان راحاتسیزلاندیغیندا، باشقا اورگانلار دا یوخوسوزلوق و مالاریا کیمی خستهلیکلرین تأثیری آلتیندا قالار. مؤمنلر بیر جسد کیمیدیر. گؤزو آغریسا بوتون بدنی آغرییار . باشی آغریرسا بوتون بدنی آغرییار .
.....
سرعتلی جاذیبهسی آرتماغا باشلایان شهر حیاتی، ایش شرطلرینین طلبلری و کورهسللشمه پروسسینین گتیردیگی لوکس حیاتا دایر چیخارچی ایلیشکیلر، سوسیال دایانیشما روحونو ائتکیلهین فاکتورلار آراسیندادیر. بونلار یئنه دینی اینانجین لازیم قیلدیغی بیر سیرا اویقولامالارلا آشیلابیلمکدهدیر. بو ساحهده یاسالارین موداخیل اولا بیلمهدیگی، آنجاق دینی و ویجدانی مسئولیتلرین تأثیرلی اولدوغو ساحهلردیر. دینین قوهوملوق ایلیشکیلرینه وئردیگی اؤنم، قونشو حاقلاری قونوسونداکی اصرارلاری، یئتیملرین، یوخسوللارین حمایه ائدیلمهسی حاقینداکی امرلری و داوام ائتدیریلمهسی لازیم اولان ایلیشکیلرین کسیلمهسینین کسین بیر دیلله قاداغان ائدیلمهسی کیمی اویقولامالاری توپلومدا اجتماعی ایلیشکیلری و دایانیشمانی آیاقدا توتان عنصورلاردیر.
توپلوم ایچیندکی اجتماعی ایلیشکیلری جانلی توتماغا یارایان تمل دگرلر آراسیندا عنعنه و عادتلر و اونا دایالی اولاراق یئریدیلن بعضی اویقولامالاردان بحث ائتمک ممکندور. توی مراسیملری، دوغوم و اؤلومه باغلی مراسیملر بونلارداندیر. بونون خاریجینده دینی بایراملار اؤنملی وظیفهلر ایجرا ائتمکدهدیر. رمضان آیلارینداکی سئوگی اساسلی خرجلمهلر، فیطیر صدقهسی آلتیندا یوخسولا ائدیلن یاردیملار، قوربان بایراملارینداکی مادی و معنوی بعضی یوکوملولوکلر، توپلومسال باغلاری گوجلریندن اویقولامالاردیر. سئوگییه دایالی قوهوم گؤروشو، کؤنوللری فتح ائدن، فردلرین دایانیشما دویغولارینی حرکته گئچیرن گؤزل عادتلردندیر . بونلار بیر دؤولتین یاسا گوجو یا دا پول ایله ائدیلهبیلهجگی ایشلر دئییل. یاپیلابیلسه ده، ایفاده ائدجیی معنا عینی اولمایاجاق. ایرهلی مدرن توپلوملارین ایتیردیگی و حسرت دویدوغو بو گؤزللیکلر اوجا ایسلام دینینین بیزلره بخش ائتدیگی اؤنملی دیرلردیر. بونلارین یاشادیلماسی، اینسانلیق آدینا ائدیلن ان بؤیوک خیدمتدیر.
....
توپلومدا یاردیملاشما و دایانیشمانی اصرارلا مدافعه ائدن ایسلام دینی، بونون اؤلچولرینی بیلدیرمیشدیر. قرآنین ایفادسیله یاردیملاشما یاخشیلیق و گؤزللیکده اولاجاق. پیسلیک، گوناه، عداوت و چئکیشمهلرین آلوولاندیریلماسیندا یاردیملاشما اولماز. یاخین قوهوم اولسا بئله، حتی اؤز علیهینه اولسا بئله بیرباشا امتیاز وئریلمهیهجک. توپلومون دینجلیگینی پوزان بوتون ائیلملر کسینلیکله قاداغان ائدیلمیشدیر. بونلارین باشلانقیجی اولان ایکی اوزلولوک جهنمه آپاران سوچلارین ان اوست مرتبهسی ساییلارکن، آنارشینین قایناغی اولان فیتنه اولقوسو اؤلومله ائش توتولموشدور. دینده مسلمانلارین ائتمهسی کسین اولاراق قاداغان ائدیلن یالان سؤیلمک، اجتماعی باریشین تامینی اوچون ایکی کوسو باریشدیرماق آماجی ایله اولورسا ایجازه وئریلمیشدیر. بورادا خاطیرلانماسی لازیم اولان چوخ اؤنملی بیر خصوص بودور کی، همیشه یاخشیلیق ائتمهیی اؤنگؤرن ایسلام دینی، ائدیلن یاخشیلیغی باشا قاخمانین یانلیشینی بیلدیرمک صورتیله دایانیشمانین اخلاقی اؤلچولرینی تعیین ائتمیشدیر.
ایلگیلیلی خبرلر
بولاری بیلیرسینیزمی؟ (13)
تورکیهنین ایلک قاپالی موبادیله مرکزینین ایستانبولداکی کاپالیچارشی اولدوغونو بیلیردینیزمی؟