ترامپین "قانونسوز گؤچمنلرله موباریزه" سیاستینه اعتیراض ائدیلدی
"لاکن ریلئی قانونو" آدلی لایحه، بعضی دموکراتلارین دا دستهیی ایله قورولتایین هر ایکی قانادیندان کئچدی

لوس آنجلس شهرینده، آمئریکا پرئزیدئنتی دونالد ترامپین "قانونسوز گؤچمنلرله موباریزه" سیاستینه اعتیراض ائدیلدی.
مکزیک و السالوادور بایراقلارینی دالغالاندیران چوخ ساییدا نوماییشچی بازار و بازار ائرتهسی گونلری ، لوس آنجلس کوچلرینده توپلاشدی.
نوماییشچیلر ترامپین "قانونسوز گؤچمنلرله موباریزه" سیاستینه اعتیراض ائتدی.
غیرقانونی بیر گؤچمن طرفیندن اؤلدورولن آمئریکالی بیر اونیوئرسیته طلبهسینین آدیندان ایلهام آلان "لاکن ریلئی قانونو" آدلی لایحه، بعضی دموکراتلارین دا دستهیی ایله قورولتایین هر ایکی قانادیندان کئچدی.
ترامپ اوچون بؤیوک بیر "حوقوقی غلبه" ساییلان بو یاسا تنظیمی، سرحدچیلره محکمه قراری اولمادان موختلیف جرملره قاریشمیش غیرقانونی موهاجیرلری حبس ائتمهیه ایمکان وئریر.
آمئریکا - مکزیک سرحدی ایله باغلی تهلوکهسیزلیک تدبیرلرینی آرتیرماق اوچون ترامپ یئنی پرئزیدئنتلیک قرارنامهسی ایمضالادی و سرحده علاوه ۱۵۰۰ عسگر گؤندرمهیه قرار وئردی.