ترامپ، غزهده آتشکسین داوام ائتدیریلمهسی ایله باغلی هئچ بیر ضمانتین اولمادیغینی بیلدیریب
آمریکا پرئزیدئنتی دونالد ترامپ غزهده آتشکسین داوام ائتدیریلمهسی ایله باغلی هئچ بیر ضمانتین اولمادیغینی بیلدیریب.

آمریکا پرئزیدئنتی دونالد ترامپ غزهده آتشکسین داوام ائتدیریلمهسی ایله باغلی هئچ بیر ضمانتین اولمادیغینی بیلدیریب.
آمریکا پرئزیدئنتی ترامپ اووال اوفیسده ایمضالانما مراسیمیندن سونرا مطبوعات منسوبلارینین آکتوال مسئلهلرله باغلی سواللارینی جوابلاندیریب.
ترامپ غزهده آتشکسین داوام ائدیب-ائتمیهجگی سوالینا بئله جواب وئریب:
"من بونون داوام ائدجگینه امین دئییلم، بو راضیلاشمانین داوام ائدجگینه امین دئییلیک."
بو گون آغ ائوده ایسرائیلین باش ناظیر بنیامین نئتانیاهو ایله گؤروشهجگینی بیلدیرن ترامپ بؤلگهدهکی وضعیتله باغلی بوتون مسئلهلری موذاکیره ائدجکلرینی قئید ائدیب.
ایشغال آلتینداکی اوردون چایینین غرب ساحیلینین ایسرائیل طرفیندن ایلحاق ائدیلیب-ائدیلمیهجگی ایله باغلی سوالی جوابلاندیران ترامپ بو بارهده دانیشماق ایستمدیگینی بیلدیرسه ده، ایسرائیلین یاخین شرقده چوخ کیچیک بیر تورپاق ساحهسینین اولدوغونو قئید ائدیب.