روسیا، آمریکانین نفت قیمتلرینی "آزالتماق" چاغیریشینین قبول ائدیلمز اولدوغونو بیلدیریب
روسیا باش ناظیرینین موعاوینی آلئکساندر نوواک آمریکانین نفت ایخراج ائدن اؤلکهلر تشکیلاتینا نفت قیمتلرینی «آزالتماق» چاغیریشینین قبول ائدیلمز اولدوغونو بیلدیریب.

روسیا باش ناظیرینین موعاوینی آلئکساندر نوواک آمریکانین نفت ایخراج ائدن اؤلکهلر تشکیلاتینا (اوپئک) نفت قیمتلرینی «آزالتماق» چاغیریشینین قبول ائدیلمز اولدوغونو بیلدیریب.
آلئکساندر نوواک روسیانین دؤولت کانالی «روسیا-۲۴»ه اوپئک و روسیانین دا داخیل اولدوغو بعضی نفت اورهتیچیلریندن عبارت دونن کئچیریلن اوپئک پلاس توپلانتیسی ایله باغلی آچیقلامالار وئریب.
نفت بازارلارینداکی وضعیتی آیلیق اولاراق ایزلهمهیه داوام ائدجکلرینه دیقت چکن نوواک، «آپرئلین ۱-دن باشلایاجاق حاصیلاتین مرحلهلی آرتیمی جدولینه اساساً، ۲۰۲۳-جو ایلده قبول ائدیلن کؤنوللو حاصیلات کسیمینی ۱,۵ ایل بویونجا آزالداجاغیق» دئدی.
نوواک، آمریکاداکی یئنی حوکومتینین نفت بازارلاریندا یئنی پروبلئملر یاراتدیغینی ایضاح ائدرک، «اونلار اوپئکی نفت قیمتلرینی رقابت داواملی اولمایان بیر شکیلده آشاغی سالماغا و بازار پایینی آرتیرماغا چاغیردیلار» دئدی.
اوپئک پلاس عضولرینین بیرلیک چرچیوهسینده الده اولونان راضیلاشمالارا تام صادق اولدوقلارینی وورغولایان نوواک، «گلوبال نفت بازارینین فعالیتینه هر هانسی صونعی و عدالتسیز موداخیله تلاشلاری قطعی شکیلده قبول ائدیلمزدیر» دئدی.
اؤتن هفته آمریکا پرئزیدئنتی دونالد ترامپ سعودی عربیستانی و اوپئک عضولریندن نفتین قیمتینی آشاغی سالماغی طلب ائدیب.