امریکادا حیوانلارا قددار معامله: 475 ایللیک حبس جزاسی
امریکادا بیر شخص حیوانلارا قارشی قددار داورانیشلاردان 475 ایللیک حبس جزاسینا محکوم ائدیلیب.

امریکادا بیر شخص حیوانلارا قارشی قددار داورانیشلاردان 475 ایللیک حبس جزاسینا محکوم ائدیلیب.
امریکانین جورجیا ایالتیندهکی ملکونده 2022-جی ایلین نوامبر آییندا مصادره اولونان 107 ایت ده داخیل اولماقلا چوخ سایلی حیوانا قارشی قددار داورانیشلار و ایت دؤیوشلری تشکیل ائتدیردیگی ادعاسی ایله محکمهیه جلب اولونان 57 یاشلی وینسنت لمارک بورل حاقیندا قرار آچیقلانیب.
محکمه، بورلین ایت دؤیوشلری اوچون ایت لری قیسا زنجیرلرله کوتوکلره باغلایاراق اونلارین هوجوم قابیلیتینی آرتیرماق مقصدیله ایستیثمار ائتدیگینی و عینی زاماندا حیوانلارین یئترینجه بسلنمهدیگینی و پناهینین اولمادیغینی معین ائدهرک، اونو 475 ایللیک حبس جزاسینا محکوم ائتدی. سؤز قونوسو مدت، ایت دؤیوشلری ایله علاقهلی جینایتلر چرچیوهسینده وئریلن ان اوزون حبس جزاسی کیمی تاریخه کئچدی.
بوندان علاوه، بورلین اوزرینه آتیلان اتهاملاری رد ائتدیگی قئید ائدیلسه ده، ملکوندن گؤتورولن ایتلر حال-حاضیردا بیر حیوان قورتارما مرکزینده ساخلانیلیر.