آمریکا، ائل سالوادور حکومتی غیری-قانونی جینایتکار گؤچمنلری قبول ائتدیگینی آچیقلادی

آمریکا بیرلشیک دؤولتلری (آمریکا) ائل سالوادور حکومتینین "میللتین‌دن آسیلی اولمایاراق آمریکادا غیری-قانونی جینایتکار گؤچمنلاری" قبول ائتدیگینی آچیقلادی.

آمریکا دیش ایشلر ناظیری مارکو روبیونون پایتاخت سان سالوادوردا، ائل سالوادور پرئزیدئنتی نایب بوکله ایله گؤروشو ایله باغلی آچیقلاما وئریب.

آچیقلامادا گؤروشمه زامانی «قانون‌سوز گؤچ دالغاسی»نین موذاکیره ائدیلدیگی و بیر چوخ راضیلاشمالارین الده ائدیلدیگی قئید ائدیلیب.

آچیقلامادا دئییلیر کی، بوکله آمریکادا اولان «مس-۱۳ بانداسی»نین عضولری اولان ائل سالوادوردان اولان غیری-قانونی موهاجیرلری گئری آلماغا راضیلاشیب.

بیلدیریلیب کی، بوکله ونزوئلانین «ترئن دئ آراگوا» بانداسینین عضولری ده داخیل اولماقلا، «میللتین‌دن آسیلی اولمایاراق جینایتکار غیری-قانونی موهاجیرلری» قبول ائدیب حبس ائتمگی تکلیف ائدیب.

معلومات‌دا بیلدیریلیر: «(بوکله) آمریکا وطنداشلاری دا داخیل اولماقلا تهلوکه‌لی آمریکالی جینایتکارلاری اؤز حبسخانالارین‌دا یئرلشدیرمگی تکلیف ائدیب»

سی.ان.ان‌ین معلوماتینا گؤره، گؤروشمه‌دن سونرا چیخیش ائد‌ن روبیو وضعیتی «گؤرونممیش و فؤوق ا‌لعاده گؤچ راضیلاشماسی» کیمی قیمتلندیریب.

سفر زامانی ایکی اؤلکه آراسین‌دا سیویل نوکلئر امکداش‌لیغینا دایر آنلاشما مئموراندومو دا ایمضالانیب.

بوکله، "بو، تاریخاً گؤرونممیش بیر راضیلاشمادیر، یالنیز آمریکا و ائل سالوادور آراسین‌داکی موناسیبتلرده دئییل، بوتون لاتین آمریکاسی اوچون دوشونور‌م" دئدی.