سودان اوردوسو پایتاخت خارطومون بحری منطقهسینه دوغرو ایرلیلییر
سودان اوردوسو پایتاخت خارطومون شیمالیندا یئرلشن بحری بؤلگهسیندکی سیگنال کورپوسو قرارگاهیندا ۲۱ آیدان چوخ داوام ائدن محاصیرنی یاریب.

سودان اوردوسو پایتاخت خارطومون شیمالیندا یئرلشن بحری بؤلگهسیندکی سیگنال کورپوسو قرارگاهیندا ۲۱ آیدان چوخ داوام ائدن محاصیرنی یاریب.
میللی مطبوعاتدا یئر آلان خبرلره گؤره، اوردو بحری بؤلگهسیندکی سیگنال کورپوسو قرارگاهیندا ۲۱ آیدیر کی، چئویک دستک قوهلرینین محاصیرهسینی یاریب.
بئلهلیکله، اوردو خارطومون مرکزیندکی اوردو باش قوموتانلیغینا یول آچیب.
پایتاخت خارطومون غربینده یئرلشن اومدورمانداکی اوردو ۲۶ سپتامبر ۲۰۲۴-جو ایلده هالفایا کؤرپوسونو کئچهرک چئویک دستک قوهلرینین نظارتینده اولان بحری بؤلگهسینه کئچه بیلیب.
۲۰۲۳-جو ایل آپرئلین ۱۵-دن سوداندا حربی اصلاحاتلار و اینتئگراسیون کیمی مسئلهلرده فیکیر آیریلیقلاری اوزوندن حربچیلرله بیر واختلار اونا باغلی اولان چئویک دستک قوهلر آراسیندا قارشیدورمالار گئدیر.
بو محاربهنی سونا چاتدیرماق اوچون حل یولو تاپماق اوچون ائدیلن بوتون جهدلر اوغورسوز اولدو.
بیرلشمش میللتلر تشکیلاتینین معلوماتینا گؤره، دونیانین ان پیس کؤچکونلوک و آجلیق بحرانینی یاشایان سوداندا موناقیشه نتیجهسینده ۲۰ میندن چوخ اینسان هلاک اولوب.
۲۰۲۳-جو ایلین آپرئلینده محاربه باشلایاندان بری اؤلکهنی ترک ائدنلرین ساییسی ۳ میلیونو اؤتوب، ۹ میلیونا یاخین اینسان ایسه مجبوری کؤچکون وضعیتینه دوشوب. ۲۵ میلیوندان چوخ اینسانین اینسانی یاردیما احتیاجی وار.
ایلگیلیلی خبرلر

شیمالی کورهدن آمریکایا تنقید
آمریکا "اؤلکهنین نوکلئرسیزلشدیریلمهسی کیمی آبزورد مقصدی" گوددویونه گؤره تنقید ائدیب.