ترامپ شیمالی کوره لیدئری کیم جونگ اون ایله علاقه ساخلایاجاغینی آچیقلاییب
"کیم جونگ اون عاغیللی بیر آدامدیر. اونون مندن خوشو گلیر و من اونونلا یاخشی آنلاشیرام"
2234059

آمئریکا پرئزیدئنتی دونالد ترامپ، شیمالی کوره لیدئری کیم جونگ اون ایله علاقه ساخلایاجاغینی آچیقلاییب.
ترامپ «فوکس نیوز» کانالی ایله موصاحیبهسینده، شیمالی کوره لیدئری کیم ایله علاقه ساخلاییب-ساخلامایاجاغی سوالینا ”اونونلا یئنیدن علاقه ساخلایاجاغام» دئیه جاواب وئردی.
ترامپ، "او، عاغیللی اوغلاندیر. کیم جونگ اون عاغیللی بیر آدامدیر. اونون مندن خوشو گلیر و من اونونلا یاخشی آنلاشیرام" دئدی.
۲۰۱۹-جو ایلین اییون آییندا ترامپ یاریم آدانی شیمالی و جنوبی کورهیه بؤلن «سیلاحسیزلاشتیریلمیش بؤلگهده» شیمالی کوره لیدئری کیم حونگ اون ایله گؤروشوب ال سیخیب و شیمالی کوره اراضیسینه آیاق باسان ایلک آمئریکا پرئزیدئنتی اولوب.