فرانسا، دئوریلمیش لیدئر اسد حاقیندا توتوخلاما حؤکمو وئریب
فرانسا محکمه سیستئمینین سوریه‌ده بعث رئژیمینین دئوریلمیش لیدئری بشار اسد حاقیندا توتوخلاما حؤکمو وئردیگی بیلدیریلیر.
فرانسا محکمه سیستئمینین سوریه‌ده بعث رئژیمینین دئوریلمیش لیدئری بشار اسد حاقیندا توتوخلاما حؤکمو وئردیگی بیلدیریلیر.
فرانسانین خاریجی ایشلر ناظیر ژان-نوئل بارروت ایکس حسابین‌دا وئردیگی آچیقلامادا،
"فرانسا محکمه سیستئمی بشار اسده قارشی حبس قراری چیخاریب. رئژیمین جینایتلری، صیدنایا حبسخاناسین‌دا شاهیدی اولدوغوم دهشتلر جزاسیز قالمامالی‌دیر. فرانسا سوریه‌لیلرین عدالتینی تامین ائتمک اوچون سفربردیر و بون‌دان سونرا دا سفربر اولاجاق" ایفاده‌لردن ایستیفاده ائتدی.
فرانسا میللی تئررورلا موباریزه ساوجیلیغدان وئریلن آچیقلامایا گؤره، بو قوروم طرفیندن، ۲۰۱۷-جی ایلده سوریه‌ده وفات ائد‌ن سوریه اصیل‌لی فرانسا وطنداشینین اؤلومو ایله باغلی باشلادیلان سوروشدورما چرچیوه‌سین‌ده یانوارین ۱۶-دا اسد حاقیندا توتوخلاما حؤکمو وئریلمه‌سینی ایسته‌ییب.
فرانسا محکمه منبع‌لرین‌دن وئریلن آچیقلامایا گؤره، سوروشدورما‌دان مسئول حاکملر اسدین قتل و سیویل شخصلره قارشی قصداً هوجوملار سببیله حربی جینایتلره شریک اولدوغو اساسی ایله یانوارین ۲۰-ده حبس قراری وئریب.
بارروت و آلمانیانین خاریجی ایشلر ناظیر آنالئنا بائربوک سوریه‌ده بعث رئژیمینین دئوریلمه‌سین‌دن سونرا یانوارین ۳-ده پایتاخت دمشق‌ده ایشگه‌نجه مرکزی اولان صیدنایا زیندانینا باخیش کئچیریب.
۲۰۲۳-جو ایل نویابرین ۱۵-ده فرانسا محکمه‌سی بشریته قارشی جینایتلره و محاربه جینایتلرینه کؤمک‌چی اولماق‌دا اتهام ائدیله‌رک اسد حاقیندا توتوخلاما حؤکمو وئریب.
محکمه اسدی ۲۰۱۳-جو ایلده سوریه نین شرقی قوتا بؤلگه‌سین‌ده شیمیایی هوجوملارا گؤره اینسانلیغا قارشی جینایتلرده و محاربه جینایتلرینه شریک اولماق‌دا اتهام ائدیب.
