ترامپا، دونیا لیدئرلریندن تبریک مئساژلاری گلدی
دونالد ترامپ آمریکانین ۴۷-جی پرئزیدئنتی کیمی آند ایچدیکدن سونرا دونیا لیدئرلریندن بیر-بیرینین آردینجا تبریک مئساژلاری گلدی.

آمریکا بیرلشیشک دؤولتلرینده ترامپین ایکینجی دؤنمی باشلاییب.
دونالد ترامپ آمریکانین ۴۷-جی پرئزیدئنتی کیمی آند ایچدیکدن سونرا دونیا لیدئرلریندن بیر-بیرینین آردینجا تبریک مئساژلاری گلدی.
روسییا پرئزیدئنتی ولادیمیر پوتین ترامپی تبریک ائدیب، «بیز آمریکانین یئنی حوکومتی ایله اوکراینا ایله باغلی دیالوگا آچیغیق» دئدی.
اوکراینا پرئزیدئنتی ولادیمیر زئلئنسکی ده آمریکانین ۴۷-جی پرئزیدئنتینی تبریک ائدرک، ترامپین پرئزیدئنتلیگینی «بیر چوخ پروبلئملرین، او جملهدن گلوبال پروبلئملرین حلی اوچون اومید» کیمی کاراکتئریزه ائدیب.
بؤیوک بریتانیانین باش ناظیر کییر ایستارمر ترامپا تبریک مئساژی گؤندریب.
سوریهده یئنی حوکمتین لیدئری احمد الشرع دا دونالد ترامپی آند ایچمه مراسیمی موناسیبتیله تبریک ائدیب.
الشرع مئساژیندا، «من ایکی اؤلکه آراسیندا علاقهلرین اینکیشافینی صبیرسیزلیکله گؤزلییرم» ایفادهسینی ایشلتدی.
دیگر طرفدن، آوروپا بیرلیگی ده تبریک مئساژی پایلاشیب.
آوروپا بیرلیگینین عالی نمایندهسی کایا کالاس، «بیرلیکده بیز گلوبال چاغیریشلارین مسئولیتیندن گلمک اوچون داها گوجلو و داها ایناملیییق» دئدی.
ناتو-نون باش کاتیبی مارک روت ده ترامپی تبریک ائدیب.