گوتئررئش غزه‌نین برپا ائدیلمه‌سی اوچون عوضو اؤلکه‌لردن دسته‌ک ایسته‌ییب
گوتئررئش بیرلشمیش میلتلر تشکیلاتی تحلوکه‌سیزلیک شوراسینین یوکسک سوییه‌لی ایشتیراکی ایله کئچیریلن ایسرائیل-فیلیسطین مسئله‌سی ایله باغلی اوتورومدا چیخیش ائدیب
بیرلشمیش میلتلر تشکیلاتینین باش کاتیبی آنتونیو گوتئررئش غزه‌ده آتشکسین دایمی اولماسی، جینایتکارلارین مسئولییته جلب ائدیلمه‌سی، غزه‌نین برپا ائدیلمه‌سی و یئنیدن قورولماسینا دستک اولمالاری اوچون عوضو اؤلکه‌لردن دسته‌ک ایسته‌ییب.
گوتئررئش بیرلشمیش میلتلر تشکیلاتی تحلوکه‌سیزلیک شوراسینین یوکسک سوییه‌لی ایشتیراکی ایله کئچیریلن ایسرائیل-فیلیسطین مسئله‌سی ایله باغلی اوتورومدا چیخیش ائدیب.
گوتئررئش یاخین شرقین درین دونوشوم پروسه‌سیندن کئچدییینی بَیان ائدیب و دئییب: "رئگیون غیر-موعیینلیکلرله دولودور، عینی زاماندا ایمکانلار دا وار. یاخین شرق یئنیدن فورمالاشدیریلیر، لاکین بو پروسه‌سین نتیجه‌سینین نه اولاجاغی هله بللی دئییل".
گوتئررئش یاخین شرقین بو تلاتوملو دؤوردن صولح، لَیاقت و اومیدله دولو بیر اوفوقله چیخماسینی تامین ائتمه‌نین دونیانین عومومی مسئولیتی اولدوغونا دقت چکدی.
گوتئررئش غزه‌ده آتشکس و محبوسلارین آزاد ائدیلمه‌سینه دایر راضیلاشمانین چوخدان گؤزلنیلن «راحتلیق» تامین ائتدییینی بیلدیریب.
۶۳۰-دان چوخ هومانیتار یاردیم ماشینینین غزه‌یه چاتدیغینی قید ائدن گوتئررئش طرفلرین راضیلاشمایا تام عمل ائتمه‌لی اولدوغونو وورغولاییب.
گوتئررئش، «بیز تامین ائتملی‌ییک کی، بو راضیلاشما بوتون اسیرلرین آزاد ائدیلمه‌سینه و غزه‌ده دایمی آتشکسه سبب اولسون». دئدی.
غزه‌دا آتشکسین ساحه‌دکی ۴ فرقلی مسئله‌یه تأثیر ائده‌جه‌یینی گؤزلدیکلرینی ایفاده ائدن گوتئررئش بونلاری بئله سیرالادی:
«بیرلشمیش میلتلر تشکیلاتی آگئنتلیکلری، خوصوصیله‌ده هومانیتار موداخیله‌لرین اساسینی تشکیل ائدن بیرلشمیش میلتلر تشکیلاتینین یاخین شرقدکی فیلیسطین‌لی قاچقینلارا یاردیم و ایشلر اوزره آگئنتلیگی اؤز فعالیتلرینی مانع‌سیز داوام ائتدیرمه‌لی، تهلوکه‌سیز موحیطده ائحتیاجی اولانلارا خوصوصیله‌ده طیبی ائواکواسییایا ائحتیاجی اولان خسته‌لر یاردیمی آرتیرمالی و اجتماعی آساییشی برپا ائتمه‌لی، موناقیشه اوچون بین الخلق دسته‌یین تامین ائتمه‌لی و مولکی شخصلرین مودافیعه‌سی و اونلارین تهلوکه‌سیز قاییتماسی اوچون لازیمی تدبیرلری گؤرمه‌لیدیر".
بیرلشمیش میلتلر تشکیلاتینین باش کاتیبی دئدی:
«من بیرلشمیش میلتلر تشکیلاتی تهلوکه‌سیزلیک شوراسینی و بوتون عوضو دؤلتلری غزه‌ده آتشکسی دسته‌ک‌له‌مه‌یه، موناقیشه‌لره دایمی سون قویومایا، جینایتکارلارین جواب وئرمه‌سینی، غزه‌نین برپا ائدیلمه‌سینی و یئنیدن قورولماسی ایشلرینی دسته‌کلمَیه چاغیریرام».
