"تیک توک" پلتفرمونون امریکادا ایستیفادهسی دایاندیریلیب
سوسیال شبکه مووافیق قانونون قوهیه مینمهسیندن بیر نئچه ساعات اول اؤز فعالیتینی دایاندیریب.

چینین سوسیال شبکه تطبیقی "تیک توک" بیر امریکا مرکزلی شیرکته ساتیلمادیغی حالدا امریکادا قاداغان اولونماسینی نظرده توتان قانون اساسیندا اؤلکهده ایستیفادهیه باغلانیب.
امریکا توپلوموندا اوزون مدت موذاکیرهلره سبب اولان "تیک توک" رسمی اولاراق 19 ژانویهده قوهیه مینهجک قاداغانین باشلاماسینا ساعاتلار قالمیش امریکادا الچاتانلیغی دایاندیریلیب. اؤلکهنین یئنی سئچیلمیش پرزیدنتی دونالد ترامپ مسئله ایله باغلی دونن وئردیگی آچیقلامادا پلتفرمون مووافیق قانونا اویغون داورانیب قاداغادان خلاص اولا بیلمهسی اوچون شیرکته 90 گونلوک علاوه مدت تانیماغی دوشوندوگونو بیلدیرمیشدی.
امریکا عالی محکمهسی جوما گونو چینین سوسیال شبکه پلتفرمو "تیک توک"ون ساتیلمادیغی حالدا امریکادا قاداغان اولونماسینی نظرده توتان قانونون تطبیقینی تصدیقلمیشدی. سس بیرلیگی ایله قبول ائدیلن قرارا اساساً، سوسیال مئدیا تطبیقی قرارین قوهیه مینهجگی 19 ژانویهیه قدر ساتیلمادیغی حالدا، "گوگل" و "اپل" کیمی پلتفرم لاردان سیلینهجک و تطبیقین همین تاریخدن سونرا تلفون، تبلت کیمی جیهازلارا یوکلنمهسی دایاندیریلاجاق.