نیجریه بریکسه قوشولدو
افریقانین ان سیخ مسکونلاشمیش اؤلکهسی اولان نیجریه بریکسه "اورتاق اؤلکه" اولماق دعوتینی قبول ائدیب.

افریقانین ان سیخ مسکونلاشمیش اؤلکهسی اولان نیجریه بریکسه "اورتاق اؤلکه" اولماق دعوتینی قبول ائدیب.
خاریجی ایشلر ناظیرلیگینین سؤزچو وکیلی کیمیبی ایموموتیمی ابینفا وئردیگی یازیلی آچیقلامادا بو آددیمین نیجریهنین اولوسلار آراسی امکداشلیغی تشویق ائتمک و اقتصادی ایمکانلاردان فایدالانماق مقصدلری ایله اویغون اولدوغونو وورغولاییب. او، نیجریهنین اینکیشاف هدفلری چرچیوهسینده ایستراتژی طرفداشلیقلاری ایرلیلتمکده قرارلی اولدوغونو ایفاده ائدهرک بریکسین عضو اؤلکهلرله تیجارت، یاتیریم و سوسیال-اقتصادی امکداشلیغی اینکیشاف ائتدیرمک اوچون اؤلکهسینه ائشسیز (منحصر به فرد) بیر پلتفرم تقدیم ائتدیگینی قئید ائدیب.
کیمیبی ایموموتیمی ابینفا بریکس عضولری ایله یاپیجی بیر امکداشلیق قورماغی صبیرسیزلیکله گؤزلدیکلرینی بیلدیریب. برزیل، روسیا، هیندوستان، چین و جنوبی افریقانین قوروجولاری آراسیندا یئر آلدیغی، امریکا و باتی اؤلکهلرینین قلوبال حاکمیتینی تارازلاشدیرماغی هدفلهین غیری-رسمی پلتفرمو اولان بریکس میصر، اتیوپی، ایران، اندونزیا و بیرلشمیش عرب امیرلیکلرینین عضولوگو ایله گئنیشلنیب. بو ایل اندونزیانین قاتیلماسی ایله عضو سایی 10-ا یوکسلن تشکیلات دونیا اقتصادیاتیندا دا مهم بیر یئره صاحیبدیر.
ایلگیلیلی خبرلر

آمئریکا ایسرائیله ۷،۴ میلیارد دولارلیق سیلاح و سورسات ساتیشینی تصدیقلدی
آمئریکا خاریجی ایشلر ناظیرلیگی ایسرائیله ۷،۴ میلیارد دولارلیق یئنی ساتیشینی تصدیقلدی

"بایدنین گیزلی معلومات الده ائتمهسی لازیم دئییل و اونون حافظهسی ده یاخشی دئییل"
آمئریکا پرئزیدئنتی ، Truth سوسیال مئدیا پلاتفورماسیندا "جو، سن قووولدون!" یازدی