ایستارشیپ راکئتی ۷-جی سیناق اوچوشوندا پارچالاندی
آمریکالی میلیاردر ایلان ماسک ایسپیس ایکس شیرکتینه عائید راکئتی ۷-جی سیناق اوچوشو زامانی پارچالانیب.

آمریکالی میلیاردر ایلان ماسک ایسپیس ایکس شیرکتینه عائید راکئتی ۷-جی سیناق اوچوشو زامانی پارچالانیب.
ان.بی.سی نیوزون معلوماتینا گؤره، ایسپیس ایکس راکئتین ایمکانلارینی یوخلاماق اوچون، اوچوش زامانی هاوایا قالخدیقدان قیسا مدت سونرا کوسمیک گمی ایله علاقهنین کسیلدیگینی و راکئتین یوخاری پیللهسینین پارچالاندیغینی آچیقلاییب.
پارتلاییش مکزیک کؤرفزی و یا کارائیب دنیزی اوزرینده باش وئریب و سوسیال شبکهلرده گؤیه اوچان راکئتین داغیلیمینی عکس ائتدیرن ویدئولار یاییلیب.
ائلان ماسک حادثهنین ویدئوسونو ایکس سوسیال مئدیا حسابیندا «اوغور قطعی دئییل، اما ائیلنجهیه ضمانت وئریلیر!» شرحی ایله پایلاشیب.
ماسک اؤز یازیسیندا، "ایلکین تاپینتیلار گؤستریر کی، گمینین موتورونون تهلوکهسیزلیک دیوارینین اوستوندکی بوشلوقدا هاوالاندیرما ظرفیتینی آشان تضییق یاراتماق اوچون کیفایت قدر بؤیوک اولان اوکسیژن/یاناجاق سیزماسی اولوب" ایفادهسینی ایشلتدی.
«ایستارشیپ» راکئتینده یانغینسؤندورمه سیستئمی ده داخیل اولماقلا بعضی دگیشیکلیکلرین ائدیلهجگینی بیلدیرن ماسک، مؤوجود وضعیتین نؤوبتی بوراخیلیشین گلن آیی کئچمیهجگینه ایشاره ائتدیگینی قئید ائدیب.
آی و داها اوزاقلارا میسیونلار اوچون نظرده توتولموش ایستارشیپ، اگر اوچوش سورونسوز باشا چاتسایدی، هیند اوقیانوسونا دوشهجکدی.