بلینکن، غزه‌ده آتیشکسین بازار گونو حیاتا کئچیریلمه‌یه باشلایاجاغینا تام امین اولدوغونو بیلدیریب

باخانی آنتونی بلینکن غزه‌ده ایسرائیل و حماس آراسین‌دا آتیشکسین بازار گونو حیاتا کئچیریلمه‌یه باشلایاجاغینا تام امین اولدوغونو بیلدیریب

2231822
بلینکن، غزه‌ده آتیشکسین بازار گونو حیاتا کئچیریلمه‌یه باشلایاجاغینا تام امین اولدوغونو بیلدیریب

 

آمریکا بیرلشیک دؤولتلرینین خاریجی ایشلر باخانی آنتونی بلینکن غزه‌ده ایسرائیل و حماس آراسین‌دا آتشکسین بازار گونو حیاتا کئچیریلمه‌یه باشلایاجاغینا تام امین اولدوغونو بیلدیریب.

آنتونی بلینکن ناظیرلیک‌ده کئچیردیگی سون مطبوعات کونفرانسین‌دا غزه‌ده آتیشکس اوچون آیلاردیر قطر و میصرله چوخلو دیپلوماسی آپاردیقلارینی و بو پروسه‌ده طرفلر آراسین‌دا راضیلیغا گلمک اوچون چوخ چالیشدیقلارینی بیلدیریب.

بلینکن، "من امینم کی، آتیشکس بازار گونو حیاتا کئچیریله‌جک و من بونو گؤزلییرم. بو مورککب و اینجه دانیشیقلار پروسه‌سین‌ده بعضی پروبلئملرین اولماسی تعجبلو دئییل. بیز بو چاتیشمازلیقلاری چوخ تئز آرادان قالدیریریق" بیلدیریب.

بعضی مانعه‌لرین آتیشکسین حیاتا کئچیریلمه‌سینه مانع اولمایاجاغینا ایناندیغینی بیل‌دیر‌ن بلینکن، غزه‌ده آتیشکسین پلانلاشدیریلدیغی کیمی بازار گونو تطبیق اولونماغا باشلایاجاغینی بیلدیریب.

آمریکا پرئزیدئنتی جو بایدنین لاییحه‌سینه تقدیم ائدیلن و قبول ائدیلن راضیلاشمانین آرخاسین‌دا ۲۰ یانواردا وظیفه‌یه کئچه‌جک دونالد ترامپ حوکومتینین ده دایاندیغینی دئین بلینکن، ترامپین تیمینین ده بو پروسه‌سه قاتقی وئردیگینی اعتراف ائتمه‌سی لازیم اولدوغونو ایفاده ائتدی.

آمریکالی ناظیر، حماس-ین دانیشیقلار ماساسینا قاییتماسی ایله باغلی منطقه آکتورلارلا چوخ‌ گؤروشمه‌لر کئچیردیکلرینی و بو مؤوضوعدا پرئزیدئنت رجب طیب اردوغان‌دان کؤمک ایستدیکلرینی بیلدیریب.

بلینکئن، "بیز ده پرئزیدئنت اردوغان کیمی دیگر آکتورلارین یانینا گئتدیک و اوندان حماسی ماسایا قایتارماق و راضیلاشمانی باغلاماق اوچون اؤز چکیسی و تأثیرین‌دن ایستیفاده ائتمه‌سینی ایستدیک. او، بونو ائتدی" دئدی.



ایلگیلی‌لی خبرلر