نیجریهده چوخ سایدا عسگر و سیویل وطنداشدان خبری یوخدور
بوکو حرام تئررور تشکیلاتینین یانوارین ۱۳-ده نیجریهنین شیمال-شرقیندهکی بورنو ایالتینده حیاتا کئچیردیگی هوجومدان سونرا چوخ سایدا عسگر و سیویل وطنداش ایتکین دوشوب.

بوکو حرام تئررور تشکیلاتینین یانوارین ۱۳-ده نیجریهنین شیمال-شرقیندهکی بورنو ایالتینده حیاتا کئچیردیگی هوجومدان سونرا چوخ عسگر و سیویل وطنداش ایتکین دوشوب.
آدینین چکیلمهسینی ایستهمهین نیجریه اوردوسونون رسمیسی یئرلی مطبوعاتا بیلدیریب کی، یانوارین ۱۳-ده بورنودا تئررورچولار طرفیندن اؤلدورولن ۴۰ نفرین جسدینی گؤتورمهیه چالیشارکن عسگرلر پوسقویا دوشوب.
مسئول هوجومدان سونرا چوخ عسگر و سیویل وطنداشدان خبر آلینمادیغینی بیلدیریب.
مسئول بؤلگهیه علاوه تهلوکهسیزلیک قوهلرینین گؤندریلدیگینی و ایتکین دوشهنلرین تاپیلماسی اوچون ایشلره باشلانیلدیغینی بیلدیریب.
بو آرادا یئرلی ساکینلر هوجوم زامانی عسگرلر ده داخیل اولماقلا آزی ۵۰ نفرین ایتکین دوشدویونو بیلدیریب.
دئکابرین ۱۳-ده بوکو حرام تئررور تشکیلاتینین عضولری بورنو ایالتینین دومبا بؤلگهسینده چیفچیلره و بالیقچیلارا هوجوم ائدرک ۴۰ نفری اؤلدوروب.
۲۰۰۰-جی ایللرین اوللریندن نیجریهده فعالیت گؤسترن بوکو حرامین ۲۰۰۹-جو ایلدن بو یانا حیاتا کئچیردیگی کوتلوی تئررور سالدیریندا اون مینلرله اینسان حیاتینی ایتیریب. اؤلکهده باش وئرهن تئررور سالدیریلاری و موناقیشهلر سببیندن یوز مینلرله اینسان گؤچ ائتمهیه مجبور اولوب.
بوکو حرام تئررور قروپلاشماسی ۲۰۱۵-جی ایلدن اؤلکهنین سرحد قونشولاری کامرون، چاد و نیجرده ده هوجوملار حیاتا کئچیریر. تشکیلاتین چاد گؤلو حؤوزهسینده تشکیل ائتدیگی هوجوملاردا ان آز ۲۰۰۰ آدام حیاتینی ایتیریب.