کامالا هریس: "آتیشکس، ایکی دؤولت‌لی حلین اساسینی قویا بیلر"
کامالا هریس: غره‌ده‌کی آتیشکس، ایکی دؤولت‌لی حل یولوندا اهمیت‌لی بیر آددیم‌دیر.
امریکانین باشقان یاردیجیسی کامالا هریس بیلدیریب کی، غزه‌ده ایسراییل و حماس آراسیندا الده ائدیلن آتیشکس راضیلاشماسی دینج گله‌جک تکلیف ائدن ایکی دؤولت‌لی حل اوچون اساس یارادا بیلر.
آغ ائودن وئریلن آچیقلامایا گؤره، کامالا هریس اؤزونون و حاضیرکی پرزیدنت جو بایدن‌ین غزه‌ده الده ائدیلن راضیلاشمانین بیر حیصه‌سی اولا‌راق امریکا وطنداشی محبوس‌لارین ائولرینه دؤنجییندن ممنون‌لوغونو ایفاده ائدیب، قطر و میصرا راضیلاشمانین الده ائدیلمه‌سینده بؤیوک رول اوینادیق‌لاری اوچون تشککور ائدیب.
کامالا هریس بو پروسه زامانی اورتا شرقده بیر چوخ لیدئرله کئچیردیگی گؤروش‌لرده "ایسراییلین تهلوکه‌سیزلیگی، محبوس‌لارین آزاد ائدیلمه‌سی، غزه‌یه هوجوم‌لارین سونا چاتماسی و فیلیسطین خالقی‌نین اؤز مقدراتینی تعیین ائتمه حقوقو" مؤوضوع لارینا دقت یئتیردیگینی بیلدیریب.
آتیشکس راضیلاشماسی‌نین غزه خالقینا اینسانی یاردیم‌لاری آرتیرا‌راق و موناقیشه‌نی سونا چاتدیرا‌راق احتیاج دویدوق‌لاری یاردیمی تامین ائدجگینی ایره‌لی سورن ائدن کامالا هریس "هله گؤروله‌جک چوخ ایش اولسا دا، اینانیرام کی، بو راضیلاشما ایسراییل و فیلیسطین خالق‌لاری اوچون داها دینج گله‌جک تعمین ائده‌جک ایکی دؤولت‌لی حلین اساسینی تشکیل ائده بیلر" دئییب.
دیگر طرف‌دن، امریکانین یئنی سئچیلمیش پرزیدنتی دونالد ترامپ آتیشکس راضیلاشماسینی 2024-جو ایل نوامبرین 5-ده کئچیریله‌جک پرزیدنت سئچکی‌لرینده غالیب گلمه‌سی ایله علاقه لندیرمیشدی.
آتیشکسده "بؤیوک" رول اوینادیغینی ادعا ائدن ترامپ "من هله وظیفه‌مین ایجراسینا باشلامامیش چوخ شئی‌یه نایل اولدوق بیر ده آغ ائوه قایی‌داندا باش وئره بیله‌جک بؤیوک شئی‌لری تصور ائدین" دئییب.
