جنوبی آفریقادا معد‌ن‌ده ۷۸ قانون‌سوز مدنچینین جسدی تاپیلیب

جنوبی آفریقانین شیمال-غرب ایالتین‌ده ترک ائدیلمیش ایستیلفونتین معد‌نین‌ده آپاریلان خیلاص ائتمه عملیاتینین ایلک اوچ گونون‌ده ۷۸ قانون‌سوز معدنچینین جسدی چیخاریلیب.

2231368
جنوبی آفریقادا معد‌ن‌ده ۷۸ قانون‌سوز مدنچینین جسدی تاپیلیب

 

جنوبی آفریقانین شیمال-غرب ایالتین‌ده ترک ائدیلمیش ایستیلفونتین معد‌نین‌ده آپاریلان خیلاص ائتمه عملیاتینین ایلک اوچ گونون‌ده ۷۸ قانون‌سوز معدنچینین جسدی چیخاریلیب.

جنوبی آفریقا پولیس خیدمتین‌دن وئریلن یازی‌لی آچیقلامادا، ایستیلفونتین مده‌نین‌ده یانوارین ۱۳-ده باشلادیلان خیلاص ائتمه عملیاتین‌دا ۲۱۶ قانون‌سوز معدنچینین خیلاص ائدیلدیگی بیلدیریلیب.

آچیقلامادا قئید ائدیلیب کی، عملیات چرچیوه‌سین‌ده ۷۸ قانون‌سوز معدنچینین جسدی معدن‌دن چیخاریلیب.

ایستیلفونتین‌دن قاچان بوتون معد‌ن‌چیلرین توتوخلانیلدیغی پایلاشیلیب.

جنوبی آفریقانین اینسان حاقلاری تشکیلاتی معد‌ن تأثیره معروض قالان ایجماعلارین فعالیت بیرلیگی (ماجوا) یانوارین ۳-ده ایستیلفونتین‌ده قاپالی قالان معد‌ن‌چیلرین آجلیق‌دان اؤلن دوستلارینین جسدلرینی یئدیکلرینی ادعا ائد‌رک آنایاسا محکمه‌سینه مراجعت ائدیب.

آنایاسا محکمه‌سینین قرارین‌دان سونرا حکومت یانوارین ۱۳-دن خیلاص ائتمه عملیاتینا باشلاییب.

ماجوا-نین یانوارین ۹-دا وئردیگی آچیقلامادا یئرین آلتین‌دان ۱۰۹ معدنچینین جسدینین تاپیلدیغی ادعا ائدیلیب.

نویابر آیین‌دا ترک ائدیلمیش ایستیلفونتین معد‌نین‌ده غیری-قانونی معدن‌چیلرین سو و قیدا تجهیزاتینی پولیس کسدیک‌دن سونرا تسلیم اولماق‌دان ایمتیناع ائد‌ن یوزلرله معدنچی یئرین آلتین‌دا قالیب، آج و سوسوز قالیب.

پرئزیدئنتین ایشلر ناظیر خومبودزو نتشاوهئنینین لازیم گلرسه، قانون‌سوز معد‌ن‌چیلرین "توستودن چیخاریلاجاغی" باره‌ده بیاناتی اجتماعی اعتراضلارا سبب اولوب.

رسمی معلوماتلارا گؤره، یانوارین ۱۵-نه اولان معلوماتا گؤره، ایستیلفونتینی ۱۸۰۶ قانون‌سوز معد‌ن‌چی ترک ائدیب.

پولیس بو شخصلرین یالنیز ۲۱-نین جنوبی آفریقا وطنداشی اولدوغونو، دیگرلرینین ایسه دئمک اولار کی، هامیسینین موزامبیک وطنداشی اولدوغونو بیلدیردی.

حکومت مقاملاری معد‌ن‌چیلرین اؤز ایمکانلاری ایله چیخا بیلدیکلرینی و لنگیمه‌نین حقوق-محافظه اورقانلاری طرفین‌دن حبس اولونماماق اوچون قانون‌سوز معد‌ن‌چیلرین ایستیفاده ائتدیکلری بیر تاکتیک اولدوغونو بیلدیردیلر.

آلماس، قیزیل و پلاتین کیمی قیمت‌لی معدنلاره مالیک جنوبی آفریقادا ۱۰.۰۰۰ ایله ۳۰.۰۰۰ آراسین‌دا اینسانین غیری-قانونی معدن‌چی‌لیک فعالیتینه جلب ائدیلدیگی دوشونولور.



ایلگیلی‌لی خبرلر