ترامپ خاریجی گلیرلر ادارهسی قوراجاغینی بیلدیریب
ترامپ بوتون گلیرلری توپلاماق وظیفهسی داشییان یئنی بؤلمه یاراداجاغینی آچیقلاییب

آمئریکا بیرلشمیش دؤلتلری یئنی سئچیلمیش پرئزیدئنتی دونالد ترامپ، گؤمروک مالیاتلاری، عوارض و خاریجی قایناقلاردان گلن بوتون گلیرلری توپلاماق وظیفهسی داشییان یئنی بؤلمه یاراداجاغینی آچیقلاییب.
دونالد ترامپ Truth سوسیال مئدیا حئسابیندا مسئله ایله باغلی پایلاشیم ائدیب.
چوخ اوزون مودتدیر کی، آمئریکا بیرلشمیش دؤلتلری داخیلی گلیر ادارهسی واسیطهسیله ملتی وئرگییه جلب ائتدیکلرینی ایفاده ائدن ترامپ، «بیز اؤزوموزه وئرگی قویارکن، آمئریکا ایقتیصادیاتی یومشاق و آجیناجاقلی درجهده ضعیف تیجارت راضیلاشمالاری ایله دونیایا بؤیومه و ریفاه تؤحفه ائتدی. بونون دیشمه زامانی گلدی. بو گون تعریفهلریمیزی، وئرگیلریمیزی و خاریجی منبعلردن گلن بوتون گلیرلریمیزی توپلاماق اوچون خاریجی گلیرلر ادارهسینی قوراجاغیمیزی بیلدیریرم." دئدی.
آمئریکا بیرلشمیش دؤلتلریندن تیجارت یولو ایله پول قازانانلاردان حاق آلماغا باشلایاجاقلارینی بیلدیرن ترامپ، «نهایت، عدالتلی پایلارینی اؤدهمهیه باشلایاجاقلار» دئدی.
دونالد ترامپ قید ائدیب کی، اونون پرئزیدئنت ماقامینا کئچجهیی یانوارین ۲۰-سی «خاریجی گلیرلر ادارهسی»نین "آد گونو" اولاجاق.