روسیا: آمریکا انرژی ساحهسینده تورک آخینینی دایاندیرماغا چالیشر
لاوروو، "هئچ بیر ساحهده، خصوصیله انرژی ساحهسینده رقیب آمریکا بیرلشیک دؤولتلرینین (آمریکا) ایستمدیگینی" ایفاده ائتدیگی "تورک آخینینی دایاندیرماغا چالیشدیغینی" دئییب.

روسیانین خاریجی ایشلر ناظیری سئرگئی لاوروو، "هئچ بیر ساحهده، خصوصیله انرژی ساحهسینده رقیب ایستمدیگینی" ایفاده ائتدیگی آمریکا بیرلشیک دؤولتلرینین (آمریکا) "تورک آخینینی دایاندیرماغا چالیشدیغینی" دئییب.
سئرگئی لاوروو، پایتاخت موسکوادا کئچیردیگی مطبوعات کونفرانسیندا روسیا دیپلوماسیسینین ۲۰۲۴-جو ایلدکی فعالیتینی دگرلندیریب.
لاوروو اوکراینانین بیر گون اول «تورک آخینی» بورو کمرینه طبیعی گاز وئرن کراسنودار بؤلگهسیندهکی کومپرئسور سانترالینا اینسانسیر هاوا اوچاقلاری ایله هوجوم ائتمهیه تلاش ائتدیگینی خاطیرلاداراق، آمریکانین «تورک آخینی»نی سیرادان چیخارماغا چالیشدیغینی بیلدیریب.
لاوروو، "آمریکا هئچ بیر ساحهده، خصوصیله ده انرژی ساحهسینده رقیب ایستمیر. آمریکا آوروپا بیرلیگینین انرژی ساحهسیندهکی ریفاهینین تمللرینی سارسیداجاق تئررور سالدیریلارینا ایجازه وئریر و اوکراینا رهبرلیگی «شیمال آخینیندان سونرا تورک آخینین دا فعالیتینی دایاندیرماغا تشویق ائدیر» دئدی.
روسیالی ناظیر بیلدیریب کی، آمریکا و موتتفیقلری عدالتلی رقابتدن ال چکیب و آقرئسسیو اصوللارلا رقیبلرینی سیخیشدیرماق سیاستی یورودورلر.