پئسکوو، غزهلیلر اوچون آتشکسین و باریشین یارادیلماسینین سون درجه ضروری اولدوغونو بیلدیریب
قطر خاریجی ایشلر ناظیرلیییده غزهده آتشکس و اسیر موبادیلهسی راضیلاشماسینی اعلان ائتمهیه "ان یاخین نؤقطهده" اولدوقلارینی آچیقلاییب

روسیه پرئزیدئنت سارایینین (کرملین) مطبوعات کاتیبی دمیتری پئسکوو، غزهلیلر اوچون آتشکسین و باریشین یارادیلماسینین سون درجه ضروری اولدوغونو بیلدیریب.
پئسکوو پایتخات موسکودا ژورنالیستلرله جاری مسئلهلری دَیرلندیریب.
پئسکوو ایسرائیل و حماس آراسیندا آتشکس و محبوس موبادیلهسی راضیلاشماسینین مومکونلویو ایله باغلی ائحتیاطلی اولدوقلارینی بیلدیریب و بئله دئییب:
"حاضیردا غزهده باش وئرن انسانی فلاکتدن آز دانیشیریق. بو فلاکت گئتدیکجه پیسلشمهیه مئیللیدیر. اونا گؤرهده غزهده قالان و غیر-اینسانی سیخینتیلار یاشایان ساکینلر اوچون آتشکس و صولحون برقرار ائدیلمهسی سون درجه ضروریدیر. اینسانلارین آتشکسه و هر جوره یاردیما ائحتیاجی وار".
قطر، میصیر و آمئریکا واسیطهچیلییی ایله غزهده آتشکس و محبوس موبادیلهسی راضیلاشماسینی یئکونلاشدیرماق اوچون حماس و ایسرائیل آراسیندا دولایی دانیشیقلار یوغون شکیلده داوام ائدیر.
حماس، دانیشیقلارین داوام ائتدییی قطرین پایتختی دوحهده غزهده آتشکس و اسیر موبادیلهسی ایله باغلی گؤزلنیلن راضیلاشمانین یئکون مرحلهسینه نایل اولوندوغونو آچیقلاییب.
قطر خاریجی ایشلر ناظیرلیییده غزهده آتشکس و اسیر موبادیلهسی راضیلاشماسینی اعلان ائتمهیه "ان یاخین نؤقطهده" اولدوقلارینی آچیقلاییب.