لاوروو: یاخین شرقدن آیریلمیریق
لاوروو سوریهدهکی وضعیتین یاخشیلاشدیریلماسی تلاشلارینده فایدالی اولماق ایستدیکلرینی ایفاده ائدرک، "یاخین شرقدن آیریلمیریق" دئدی.

روسیانین خاریجی ایشلر ناظیری سئرگئی لاوروو سوریهدهکی وضعیتین یاخشیلاشدیریلماسی تلاشلارینده فایدالی اولماق ایستدیکلرینی ایفاده ائدرک، "یاخین شرقدن آیریلمیریق" دئدی.
سئرگئی لاوروو پایتاخت موسکوادا کئچیردیگی مطبوعات کونفرانسیندا روسیا دیپلوماسیسینین ۲۰۲۴-جو ایلدکی فعالیتینی دگرلندیریب.
سوریهدهکی وضعیته ده توخونان لاوروو، "یاخین شرقدن آیریلمیریق. سوریهده بعضی حادثهلر باش وئریب. بونون سببی ۱۰ ایلدیر سیاسی پروسهنین لنگیمهسیدیر. بیر شئی دگیشمهمک ایستگی وار ایدی" دئدی.
"آمریکا سوریهنین شرقیندهکی تورپاقلاری ایشغال ائدیب" دئین لاوروو، "بو بؤلگهده نفت یاتاقلاری وار. بو بؤلگهده الده ائدیلن قایناقلار سوریهنین شیمال-شرقیندهکی بؤلوچو قروپلاری دستک اوچون ایستیفاده اولونور" دئدی.
سئرگئی لاوروو سوریهدهکی کوردلره «دمشقله کؤرپو تیکمک» تکلیفی ائتدیکلرینی خاطیرلادیب و بونلاری قئید ائدیب:
"اونلار بونو ایستهمیردیلر. دئییردیلر کی، آمریکالیلار اورادا اولاجاق و آیری دؤولت قوراجاقلار. بیز همیشه اونلارا دئمهیه چالیشمیشیق کی، تورکیه و عراق کورد دؤولتینین قورولماسینا ایمکان وئرمهیهجک. بیز سوریه، عراق، ایران و تورکیهدهکی کوردلرین حقوقلارینین ساوونماسی و قورونماسیندان یانا طرف توتموشوق. بیر طرفدن شام، دیگر طرفدن ده کوردلر دانیشیقلار آپارماق ایستهمهدی."
سوریه مسئلهسی ایله باغلی قورولان پلاتفورمالار آراسیندا قارشیلیقلی علاقهنین ضعیف اولدوغونا دیقت چکن روسیالی ناظیر، "بئلهلیکله، بیر بوشلوق یاراندی و پارتلاییش باش وئردی. فاکتلاری قبول ائتملیگیک" دئدی.
اؤلکهسینین دمشقدهکی سفیرلیگینین فعالیتینی و سوریهنین یئنی حوکومتی ایله تماسلارینی داوام ائتدیردیگینی بیلدیرن لاوروو، "سوریهدهکی وضعیتی یاخشیلاشدیراجاق تشببوسلرده فایدالی اولماق ایستییریک. بونون اوچون ایشتیراکلا احاطهلی دیالوگا ایحتیاج وار. سوریهدهکی بوتون سیاسی، ائتنیک، دینی قوهلرین و بوتون خاریجی قوهلرین "تورک و کؤرفز همکارلاری ایله دانیشدیم. اونلار روسیا، چین و ایرانین بو پروسهسه داخیل ائدیلمهسینین طرفداریدیرلار. بیز بونا آچیغیق" قیمتلندیرمه آپاریب.