ایسرائیل‌ین غزه‌یه هۆجوملارینی دسته‌کلَین اؤلکه‌لرده حؤکومتلره قارشؽ رئاکسییالار داوام ائدیر

آمئریکا و آلمان‌دا فیلیسطینه دسته‌ک وئرن نۆماییشچیلر حوکومتلیرینه اعتیراض ائدیب

2230258
ایسرائیل‌ین غزه‌یه هۆجوملارینی دسته‌کلَین اؤلکه‌لرده حؤکومتلره قارشؽ رئاکسییالار داوام ائدیر
abd israil'e tepki.jpg
abd israil'e tepki.jpg
abd israil'e tepki.jpg
abd israil'e tepki.jpg
abd israil'e tepki.jpg
abd israil'e tepki.jpg

ایسرائیل‌ین غزه‌یه هۆجوملارینی دسته‌کلَین اؤلکه‌لرده حؤکومتلره قارشؽ رئاکسییالار داوام ائدیر.

آمئریکا پایتخاتؽ واشینگتوْن‌دا فیلیسطینه دسته‌ک وئرن نۆماییشچیلر خاریجی ایشلر ناظیرلی‌یینین بیناسؽ قارشؽسیندا پرئزیدئنت جوْ بایدن و خاریجی ایشلر ناظیری آنتونی بلینکئن-ه اعتیراض ائدیبلر.

بایدئن‌ین ۴ ایللیک پرئزیدئنتلی‌یی دؤنه‌مینده بلینکئن‌ین خاریجی سیاستینی شرح ائتدییی چؽخیشیندان اول توْپلاشان نماییشچی‌لر "بۇ گۆن نئچه اۇشاغی اؤلدوردونوز؟" و «وئرگیلریمیزین فیلیسطین‌لیلری قتله یئتیرمک اۆچون ایستیفاده اوْلونماسینی ایسته‌میریک» کیمی شۆعارلار سسلندیردیلر.

بایدن و بلینکئن خاریجی سیاستلرینی قیمتلندیرمک اۆچون ناظیرلیک بیناسؽنا گلنده نۆماییشچیلر «مۆحاریبه جینایتکارؽ» شۆعارلاری سسلندیریبلر.

آلمان باش ناظیری اوْلاف شوْلز دا بیئلئفئلد شهرینده فیلیسطین طرفدارؽ بیر آکتیویست طرفیندن اعتیراض ایله قارشی قارشییا گلدی.

باش ناظیر شوْلز سئچکی کامپانییاسؽ اۆچون اوْلدوغو بیئلئفئلدده چؽخیشی زامانؽ قادؽن فعال آیاغا قالخاراق یۆکسک سسله بئله دئدی: «ال‌له‌رینیزده قان وار، آلمان حؤکومتی غزه‌ده‌کی اؤلوملرده شریکدیر». 

فعال قادؽن تهلۆکه‌سیزلیک قۆوه‌لری طرفیندن سالون‎دان چؽخاریلارکن ”آزاد فیلیسطین» شۆعاری سسلندیردی.



ایلگیلی‌لی خبرلر