ایسرائیله قارشی آچیلان سویقیریم شکایتینه ایشتیراک ائدن اؤلکهلرین سایی آرتیر
تورکیه، نیکاراگوا، کولومبیا، لیبی، مکزیک، فیلیسطین، ایسپانیا، شیلی، مالدیو آدالاری، بولیوی و ایرلنددن سونرا غزهدهکی سویقیریم ایشینده ایشتیراکینی بَیان ائدن ۱۲-جی اؤلکه کوبا اولدو

ایسرائیله قارشی آچیلان سویقیریم شکایتینه ایشتیراک ائدن اؤلکهلرین سایی آرتیر.
کوبا ایسرائیله قارشی بین الخلق عدالت محکمهسینده آچیلان شکایته موداخیل اولماق اوچون رسمی موراجیعت ائدیب.
بین الخلق عدالت محکمهسی کوبانین، جنوبی آفریقا رئسپوبلیکاسینین ایسرائیله قارشی آچدیغی «سویقیریم» شکایتینه موداخیل اولماق اوچون موراجیعت ائتدییینی آچیقلاییب.
بئلهلیکله تورکیه، نیکاراگوا، کولومبیا، لیبی، مکزیک، فیلیسطین، ایسپانیا، شیلی، مالدیو آدالاری، بولیوی و ایرلنددن سونرا غزهدهکی سویقیریم ایشینده ایشتیراکینی بَیان ائدن ۱۲-جی اؤلکه کوبا اولدو.
اییون آییندا کوبا «فیلیسطین خالقینا قارشی تؤردیلمیش سویقیریم جینایتینه سون قویماق اوچون بین الخلق چابالاری دستهکلمک اوچون» بین الخلق عدالت محکمهسینده جنوبی آفریقا رئسپوبلیکاسینین ایسرائیله قارشی «سویقیریمی» شکایتینه داخیل اولما قرارینا گلیب.