اینگیلیس ساغلیق سیستئمیندهکی پروبلئملر آرتیب
کئچن ایل اینگیلترهده خسته خانایا یئرلشدیریلدیکدن سونرا یاتاخ یئترسیرلیگی سببیندن تعجیلی یاردیم شعبهلرینده ۱۲ ساعاتدان چوخ برانکارتدا گؤزلهین خستهلرین ساییسی ۵۱۸ مینه یوکسلدی.

کئچن ایل اینگیلترهده خسته خانایا یئرلشدیریلدیکدن سونرا یاتاخ یئترسیرلیگی سببیندن تعجیلی یاردیم شعبهلرینده ۱۲ ساعاتدان چوخ برانکارتدا گؤزلهین خستهلرین ساییسی ۵۱۸ مینه یوکسلدی.
لیبرال دموکراتلار پارتیسینین تحلیلینه گؤره، بو رقم اوولکی ایلله موقاییسهده ۲۵ فایز چوخدور.
لیبرال دموکراتلار کوریدورلاردا خستهلره قوللوق پراکتیکینه سون قویماق اوچون حکومتی تجیلی تدبیرلر گؤرمهیه چاغیریب.
لیبرال دموکراتلار پارتیسینین ساغلیق سیاستی سؤزچوسو هئلئن مورگان، آراشدیرما نتیجهسینده اورتایا چیخان معلوماتلاری و پروبلئمین میقیاسینی "اسکاندال" اولاراق خاراکتئریزه ائتدی.
"دهلیز باخیمینین نورمایا چئوریلمهسی و مینلرله خستهنین ساعاتلارلا، حتی گونلرله برانکارتلاردا گؤزلهمهلی اولماسی قبول ائدیلمزدیر" دئیین مورگان، "بو، خستهلرین حیاتینی ریسکه آتیر و طیب ایشچیلرینین ایش یوکونو آرتیریر." ایفادهسینی ایشلتدی.
ساغلیق کاتیبی وئس ایستریتینگی تعجیلی تدبیرلر پلانی اعلان ائتمهیه چاغیران مورگان، خسته خانا یاتاخلارینین ساییسینین آرتیریلماسی و ساغلیق سیستئمینین داها تهلوکهسیز سوییهلره چاتدیریلماسینین واجیبلیگینی وورغولادی.
هئلئن مورگان "حکومت بو بحرانی حل ائتمک اوچون سرعتله حرکته کئچمهلیدیر و (یئنی کوروناویروس) پاندئمیسی (۲۰۲۰-۲۰۲۲) زامانی اولدوغو کیمی، امکلیلیکدن دؤن طیب ایشچیلرینی ایشه گؤتورمک اوچون کامپانییا باشلاتمالیدیر" قیمتلهندیرمه آپاریب.
کرالیت تعجیلی طیبی یاردیم کولئژینه گؤره، تعجیلی یاردیم شعبهلرینده اوزون گؤزلهمه مدتلری سببیندن ۲۰۲۳-جو ایلده تخمیناً ۱۴.۰۰۰ اؤلوم باش وئرهجک. عینی زاماندا بیلدیریلیب کی، حاضیردا خسته خانالاردا یاتاخ دولولوغو ۹۳ فایز، تهلوکهسیز سوییه ایسه ۸۵ فایزدیر.