ناتو بالتیک دنیزینده مخابرات کابل لارینی قوروماق اوچون یئنی ماموریته باشلاییر
ناتو باش کاتیبی مارک روته بالتیک دنیزینین آلتیندان کئچن مخابرات کابللرینین قورونماسی مقصدیله یئنی بیر میسیونون باشلادیغینی اعلان ائدیب.

ناتو باش کاتیبی مارک روته بالتیک دنیزینین آلتیندان کئچن مخابرات کابللرینین قورونماسی مقصدیله یئنی بیر ماموریتین باشلادیغینی اعلان ائدیب.
فینلاندیانین پایتاختی هلسینکیده کئچیریلن ایجلاسدا بالتیک دنیزینده روسیانین یاراتدیغی تهدیدلره قارشی گؤرولهجک تدبیرلر موذاکیره ائدیلیب. تدبیرده دانیمارکا، آلمانیا، لتونی، لیتوانی،لهستان و سوئد لیدئرلری ایله یاناشی آوروپا بیرلیگی کمیسیونونون تکنولوژی اگهمنلیک، تهلوکهسیزلیک و دموکراسیدن اوزره مسئول عضوو هنا ویرکونن ده ایشتیراک ائدیب.
سونرا مارک روته فینلاندیا پرزیدنتی الکساندر استاب و استونیا باش ناظیری کریستن میکال ایله بیرلیکده تشکیل ائتدیگی مطبوعات کونفرانسیندا گوندمه دایر فیکیرلرینی بؤلوشوب. فینلاندیا پرزیدنتی و استونیا باش ناظیری ده بؤلگهنین آلت یاپینین قورونماسینین اهمیتینی وورغولاییب.
بالتیک دنیزینده روسیانین گیزلی دونانما قوردوغو ادعالاری و مخابرات کابللریندهکی کسینتیلر بؤلگهدهکی تهلوکهسیزلیک ناراحاتلیقلارینی آرتیریر. آوروپا بیرلیگی بو کسینتیلردن روسیانی مسئول توتاراق علاوه تحریم لر حاضیرلایاجاغینی آچیقلاییب.