آوروپا بیرلیگینین ترامپا مئساژی
آوروپا بیرلیگی یانوارین ۲۰-ده وظیفهسینین ایجراسینا حاضیرلاشان آمریکانین یئنی سئچیلمیش پرئزیدئنتی دونالد ترامپلا اولوملو قارشیلیقلی علاقهنی صبیرسیزلیکله گؤزلدیگینه دایر مئساژ گؤندریب.
آوروپا بیرلیگی یانوارین ۲۰-ده وظیفهسینین ایجراسینا حاضیرلاشان آمریکانین یئنی سئچیلمیش پرئزیدئنتی دونالد ترامپلا اولوملو قارشیلیقلی علاقهنی صبیرسیزلیکله گؤزلدیگینه دایر مئساژ گؤندریب.
آوروپا بیرلیگی کومیسیونونون صدری اورسولا فون در لاین و آوروپا بیرلیگی شوراسینین باشقانی آنتونیو کوستا ایکس حسابلاریندان عینی مئساژی پایلاشدیلار.
یانوارین ۲۰-ده ایکینجی دفعه پرئزیدئنت کورسوسونده اوتوراجاق دونالد ترامپا مراجعت ائدن آوروپا بیرلیگی لیدئرلری «آمریکا ان یاخین طرفداشلاریمیزدان بیریدیر و بیز ترانس آتلانتیک باغی گوجلهندیرمکده قرارلیییق» ایفادهلردن ایستیفاده ائتدی.
بیرگه مئساژدا، " آوروپا بیرلیگی اوچون اساس دئموکراتیک دگرلریمیزی قوروماق و گوجلندیرمک، ایقتیصادیمیزی داها رقابته قابیلیتلی و دایانیقلی ائتمک، گلوبال طرفداشلیق شبکهمیزی گئنیشلندیرمک و تهلوکسیزلیگیمیزه داها چوخ سرمایه قویماق چوخ واجیبدیر" بیلدیریلیر.
مئساژدا، "بیز آمریکانین گلهجک حوکومتی ایله عمومی دگرلریمیزه و اورتاق ماراقلاریمیزا اساسلانان اولوملو علاقهنی صبیرسیزلیکله گؤزلییریک. چتین دونیادا آوروپا و آمریکا بیرلیکده داها گوجلودور" دئییلیر.
آمریکادا ایلک ترامپ مدتی (۲۰۱۷-۲۰۲۱) آوروپا بیرلیگی و اونون عضو دؤولتلری ایله جیدی گرگینلیین شاهیدی اولدو.
