روسیا: اوکراینا آتاکمس ایستیفاده ائتدی
روسیا، اوکراینا اوردوسونون دونن سحر ساعاتلاریندا روستوو ویلایتینین تاقانروگ شهریندهکی نیظامی هاوا لیمانینا غرب اورهتیمی اولان یوکسک دیقیقلیکلی سیلاحلا سالدیری ائتدیگی بیلدیریلیب.
روسیا ساوونما ناظیرلیگی اوکراینانین روسیا اراضیسینده یئرلشن روستوو ویلایتیندهکی نیظامی هاوا لیمانینا آمریکا اورهتیمی اولان اوزون منزیللی قورو تاکتیک راکئت سیستئملری (آتاکمس) راکئتلری ایله سالدیری ائتدیگینی و بونونلا باغلی لازیمی آددیملارین آتیلاجاغینی بیلدیریب.
ناظیرلیکدن وئریلن آچیقلامادا، اوکراینا اوردوسونون دونن سحر ساعاتلاریندا روستوو ویلایتینین تاقانروگ شهریندهکی نیظامی هاوا لیمانینا غرب اورهتیمی اولان یوکسک دیقیقلیکلی سیلاحلا سالدیری ائتدیگی بیلدیریلیب.
آچیقلامادا، "آراشدیرمالار نتیجهسینده سالدیریدا ۶ عدد آتاکمس راکئتیندن ایستیفاده ائدیلدیگی معین ائدیلیب. ۲-سی پانتسیر هاوا سالدیریسیندان ساوونما سیستئمی طرفیندن وورولوب، قالانلارینین ایسه الئکترون واسطهلرله قارشیسی آلینیب" دئییب.
آچیقلامادا راکئت بؤلوملرینین دوشمهسی نتیجهسینده ساواشچیلرین یارالاندیغی، هاوا لیمانینا عایید ۲ بینایا، ۳ نیظامی اوتوموبیله و دایاناجاقدا اولان سیویل اوتوموبیللره زیان دیدیگی بیلدیریلیب و علاوه ائدیلیب: «غرب اوزون موددتلی بو سالدیری -منزیللی سیلاح بو مؤوضوعدا لازیمی آددیملار آتیلاجاق».
روسیا ساوونما ناظیرلیگی اؤتن آی اوکراینانین روسیا اراضیسینین براینسک و کورسک بؤلگهلرینه آتاکمس راکئتلری ایله سالدیری ائتدیگینی بیلدیریب.
روسیا پرئزیدئنتی ولادیمیر پوتین نویابرین ۲۸-ده آمریکا و اینگیلترهنین روسیا اراضیسینه قارشی اوزاق منزیللی سیلاحلاردان ایستیفاده ائتمهسینه جواب اولاراق اوکراینانین نیظامی ائلئمئنتلرینه ۹۰ راکئت و ۱۰۰ اینسانسیز هاوا آراجلاری ایله سالدیریا کئچدیکلرینی آچیقلامیشدی.
