غنادا پرئزیدئنت سئچکیلرینده ماهاما غالیب گلدی
غنادا دئکابرین ۷-ده کئچیریلن پرئزیدئنت سئچکیلرینده آنا موخالیفت پارتیسی اولان میللی دئموکراتیک کونگرهسین نامیزدی جون درامانی ماهاما غالیب گلیب.
باتی آفریقا اؤلکهلریندن بیری اولان غنادا دئکابرین ۷-ده کئچیریلهن پرئزیدئنت سئچکیلرینده آنا موخالیفت پارتیسی اولان میللی دئموکراتیک کونگرهسین نامیزدی جون درامانی ماهاما غالیب گلیب.
موستقیل سئچکی کومیسیونونون صدری ژان مئنسا مطبوعات کونفرانسیندا بیلدیریب کی، ۲۷۶ سئچکی دایرهسیندن ۲۶۷-ده سسلرین حسابلانماسی پروسهسی باشا چاتیب.
ماهامانین ۵۶,۵۵ فایز سس توپلادیغینی دئین مئنسا، حاکم میللی وطن پرور پارتیسینین نامیزدی، حاضیرکی جمهورباشقان یاردیمچیسی ماهامودو باوومیانین ۴۱,۶۱ فایز سس توپلادیغینی قئید ائدیب.
مئنسا جون درامانی ماهاما اؤلکهنین یئنی پرئزیدئنتی اعلان ائدیب.
ایکینجی دفعه پرئزیدئنت سئچیلن ۶۶ یاشلی ماهاما ۲۰۰۸-۲۰۱۲-جی ایللر آراسیندا جمهورباشقان یاردیمچیسی سئچیلیب.
ایشلدیگی مدتده ماهاما ۲۰۰۹-جو ایلده او واختکی پرئزیدئنت جون اوانس آتا میللس-ین اؤلوموندن سونرا پرئزیدئنت مقامینی توتدو.
۲۰۱۲-جی ایلده کئچیریلن سئچکیلرده غالیب گلهرک یئنیدن پرئزیدئنت سئچیلن ماهاما ۲۰۱۶ و ۲۰۲۰-جی ایل سئچکیلرینده حاضیرکی پرئزیدئنت نانا آکوفو-آددو ایله موباریزه آپارسا دا، هر ایکی سئچکیده مغلوب اولوب.
تخمیناً ۳۴,۴ میلیون اهالیسی و ۱۸,۷ میلیون سئچیجیسی اولان غنادا پرئزیدئنتلیک اوغروندا ۱۲ نامیزد موباریزه آپاریب.
