فرانسا، آلمانیا و اینگیلتره ایرانین نوکلئر پروقرامینی قیناییبلار
فرانسا، آلمانیا و اینگیلتره ایرانین نوکلئر پروقرامینی گئنیشلهندیرمک اوچون آتدیغی سون آددیملاری قیناییب.
فرانسا، آلمانیا و اینگیلتره ایرانین نوکلئر پروقرامینی گئنیشلهندیرمک اوچون آتدیغی سون آددیملاری قیناییبلار.
اوچ اؤلکهنین بیرگه آچیقلاماسیندا، «بیز بین الخالق آتوم انرژیسی آژانسیینین ایرانین یئرآلتی فوردو تاسیسینین زنگینلشدیریلمیش اورانیوم حاصیلاتینی ۶۰ فایزه قدر آرتیرماق اوچون نوکلئر پروقرامینی گئنیشلندیرمک اوچون آتدیغی سون آددیملاری قیناییریق" ایفادهسی ایشلدیلدی.
آچیقلامادا بیلدیریلیب کی، ایرانین ایستیفادهده اولان سانتریفوژلارین ساییسینی آرتیردیغینی، علاوه زنگینلشدیرمه آلت یاپیسی یاراتماق اوچون حاضیرلیقلارا باشلادیغینی و بئلهلیکله ده زنگینلشدیرمه ایمکانلارینی داها دا آرتیردیغینی اؤیرهنمک بیزی سون درجه ناراحات ائدیر.
آچیقلامادا، "ایرانین حرکتلری بیرگه هرطرفلی فعالیت پلانینی داها دا بوشالدیب، ایرانین یوکسک درجهده زنگینلشدیریلمیش اورانیوم رزرولرینی آرتیراجاق و اونون حاضیردا هئچ بیر اعتبارلی سیویل اساسلاندیرماسی یوخدور و بین الخالق آتوم انرژیسی آژانسیینین لازیمی علاوه تأمیناتلاری حیاتا کئچیرممیشدن اول باش وئریب. ایرانی بو آددیملاری گئری چکیلمهیه و نوکلئر بحرانی درحال دایاندیرماغا چاغیریریق" دئییلب.
