روسیادان اسده سیغینما حاقی
روسیا سوریهنین دئوریلمیش لیدئری بشار اسدین اؤلکهسینی ترک ائتدیگینی آچیقلاسا دا، بعضی منبعلر اسد و عائلهسینین روسیادا اولدوغونو آچیقلاییب.
روسیا سوریهنین دئوریلمیش لیدئری بشار اسدین اؤلکهسینی ترک ائتدیگینی آچیقلاسا دا، بعضی منبعلر اسد و عائلهسینین روسیادا اولدوغونو آچیقلاییب.
روسیا خاریجی ایشلر ناظیرلیگیندن وئریلن یازیلی آچیقلامادا سوریهدکی سون حادثهلر قیمتلندیریلیب.
آچیقلامادا سوریهدکی وضعیتین "دراماتیک و ناراحات ائدیجی" اولدوغو، اسدله سیلاحلی قارشیدورمادا ایشتیراک ائدن قوهلر آراسیندا دانیشیقلار آپاریلدیغی ادعا ائدیلیب.
آچیقلامادا، "دانیشیقلار نتیجهسینده اسد حاکمیتین باریش یولو ایله تحویل وئریلمهسی ایله باغلی گؤستریشلر وئریب، وظیفهسیندن گئتمهیه قرار وئریب و اؤلکهنی ترک ائدیب. روسیا بو دانیشیقلاردا ایشتیراک ائتمهییب" دئییلدی.
روسیانین تاس خبر آژانسینین خبرینه گؤره، سیغیناجاق تکلیف ائدیلن اسد و عائلهسی پایتاخت موسکوایا گلیب.
خبرده اسد و عائلهسینین موسکوادا اولدوغو، سیغیناجاق حقوقونون اینسانی اساسلارلا وئریلدیگی بیلدیریلیب.
نویابرین ۲۷-ده سوریهده رئژیم قوهلری ایله موخالیف سیلاحلی قروپلار آراسیندا توققوشمالار شیددتلنیب.
دئکابرین ۷-ده پایتاخت دمشقه گیرمهیه باشلایان قروپلارا کوتلهلرین دستگی ایله رئژیم بورادا و بیر چوخ بؤلگهده نظارتی تامامیله ایتیرهرک سوقوط ائتدی.
دونهن اؤلکهده بعث پارتیسینین ۶۱ ایللیک حاکمیتی دئوریلدی.
ایلگیلیلی خبرلر
گونئی کرهده پرزیدنت حبس ائدیلیب
یونون حبسیندن سونرا طرفدارلاری محکمه بیناسینی باساراق پولیس ایله قارشیدورما یاشاییب.
