مکزیکده اوچاق قاچیرماق گیریشیمینین قارشیسی آلینیب
مکزیکده ایچ خطده اوچان اوچاغی زورلا آمریکا یؤنلندیرمک ایستهین یولجونون کابین هئیتی و دیگر یولجولار طرفیندن قارشیسی آلینیب.
مکزیکده ایچ خطده اوچان اوچاغی زورلا آمریکا یؤنلندیرمک ایستهین یولجونون کابین هئیتی و دیگر یولجولار طرفیندن قارشیسی آلینیب.
اؤلکهنین اؤنده گلن هاواجیلیق شیرکتلریندن بیری اولان وولاریس، حیات یولداشی و ایکی اوشاغی ایله ایچ سفرله سیاحت ائدن ۳۱ یاشلی بیر یولجونون اوچاغی زورلا آمریکایا یؤنلندیرمهیه چالیشدیغینی آچیقلادی.
آچیقلامایا گؤره، مکزیکین مرکزیندهکی ائل باژیو بؤلگهسیندن آشاغی کالیفورنیا ایالتینین تیخوانا شهرینه اوچان اوچاغین یولجوی کابین خیدمتچیسینه سالدیری ائدرک کابینهیه گیرمهیه تلاش ائدیب.
یولجوین اوچاغی زورلا آمریکایا یؤنلندیرمک تلاشینین قارشیسی کابین هئیتی و یولجولار طرفیندن آلینیب.
داها سونرا اوچاق واریش یئریندن تخمیناً ۲۲۲۰ کیلومتر آرالیدا یئرلشن گوادالاخارا بین الخالق هاوا لیمانینا مجبوری ائنیش ائدیب.
توتوخلانیلان یولجو ایلک ایفادهسینده بو تلاشی یاخین قوهومونون جینایتکارلار طرفیندن قاچیریلماسی و اونا دا حده-قورخو گلدیگی اوچون ائتدیگینی ادعا ائدیب.
بیلدیریلیب کی، وولاریس آیرلاین شیرکتی محکمهیه مراجعت ائدرسه، شوبههلی ۳ ایلدن ۲۰ ایله قدر حبس جزاسی آلا بیلر.
