گورجوستان گؤستریلر داوام ائدیر
گورجوستاندا باش ناظیر ایراکلی کوباخیدزهنین ۲۰۲۸-جی ایلین سونونا قدر آوروپا بیرلیگی (آی) ایله دانیشیقلارین باشلانماسینی نظرده توتماماق قراریندان سونرا گؤستریلر داوام ائدیر.
گورجوستاندا باش ناظیر ایراکلی کوباخیدزهنین ۲۰۲۸-جی ایلین سونونا قدر آوروپا بیرلیگی ایله دانیشیقلارین باشلانماسینی نظرده توتماماق قراریندان سونرا گؤستریلر داوام ائدیر.
باتومیده ۱۱-جی گونده داوام ائدن گؤستریلرله یاناشی، مینلرله اینسان گئجه ساعاتلاریندا یئنیدن پایتاخت تیفلیسده پارلامئنت بیناسی قارشیسینا توپلاشاراق حکومتین قرارینا بیر داها رئاکسیا وئریب.
گؤستریچیلر یئنی ایل شنلیکلری چرچیوهسینده بلدیه طرفیندن تیکیلمهیه باشلانان نوئل آغاجینین پولاد گؤودهسینه، آکسیادا خسارت آلان ژورنالیستلرین، صنعتچیلرین، سیاستچیلرین و اعتراضچیلارین شکیللرینی آسیبلار.
بعضی گؤستریچیلر پارلامئنت بیناسینا داش آتیبلار.
گورجوستانین ایچ ایشلر ناظیرینین موعاوینی آلکساندره داراخوئلیدزه مطبوعات کونفرانسیندا تیفلیسده داوام ائدن اعتراض گؤستریلرینده توتوخلانیلانلارلا باغلی آچیقلاما وئریب.
نویابرین ۲۸-دن بعضی شخصلرین پارلامئنت بیناسینا و پولیسه قارشی زوراکیلیق حرکتلری ائتدیگینی دئین داراخوئلیدزه حادثهلرده ۱۵۰ پولیس امکداشینین یارالاندیغینی بیلدیریب.
داوام ائدن اعتراضلاردا بعضی ژورنالیستلرین یارالاندیغینی، شهرین آلت یاپیسینی زدلندیگینی بیلدیرهن داراخوئلیدزه ۴۰۰-دن چوخ آدامین توتوخلاندیغینی بیلدیریب.
آوروپا پارلامئنتی اوکتیابرین ۲۶-دا گورجوستاندا کئچیریلن پارلامئنت سئچکیلرینین یئنیلنمهسینی طلب ائدیب و موخالیفت و آوروپا بیرلیگی طرفدارلاری کوچهلره چیخاراق گؤستریلر تشکیل ائتمهیه باشلاییبلار.
باش ناظیر کوباخیدزه نویابرین ۲۸-ده وئردیگی آچیقلامادا بعضی آوروپالی سیاستچیلرین گورجوستانین ایچ ایشلرینه قاریشدیغینی و اونلاری آوروپا بیرلیگی-نین پوللاری ایله شانتاژ ائتدیگینی بیلدیریب و دئییب: «بوتون بونلاری نظره آلاراق، آوروپا بیرلیگی ایله دانیشیقلارا ۲۰۲۸-جی ایلین سونونا قدر باشلاماماق قرارینا گلدیک."
کوباخیدزه اؤلکهسینین ۲۰۳۰-جو ایلده آوروپا بیرلیگینه عضو اولماسی اوچون فعالیتینی داوام ائتدیرجگینی بیان ائدیب.
ایلگیلیلی خبرلر
گونئی کرهده پرزیدنت حبس ائدیلیب
یونون حبسیندن سونرا طرفدارلاری محکمه بیناسینی باساراق پولیس ایله قارشیدورما یاشاییب.
