روسیانین طبیعی گاز پلاتفورماسینا سالدیری اولوب
اوکراینا اوردوسونا عائید پیلوتسوز دنیز گمیسی پلاتفورمایا کامیکادزه سالدیریسی ائدیب.
کریمه ساحیللرینده روسیانین طبیعی گاز پلاتفورماسینا سالدیری ائدیلیب.
اوکراینا اوردوسونا عائید پیلوتسوز دنیز گمیسی پلاتفورمایا کامیکادزه سالدیریسی ائدیب.
پارتلاییش اولوب و یانغین باشلاییب. پلاتفورما یارارسیز حالا دوشوب.
روسیا اوکراینا شهرلرینی ده هدفه آلیب.
زاپوروژیاداکی سالدیریدا ۱۰ نفر اؤلوب، اوچو اوشاق اولماقلا ۲۴ نفر یارالانیب.
چوخ سایدا ائو، ایش یئری و اوتوموبیله زیان دییب.
روسیا قوهلری ده راکئتلرله کریوی روغا سالدیری ائدیب. بیری اوشاق اولماقلا ۳ نفر اؤلوب. بیر چوخ بینایا زیان دییب.
آمریکانین اوکراینایا نیظامی دستگی داوام ائدیر.
آمریکا ساوونما ناظیرلیگی اوکراینایا علاوه ۹۸۸ میلیون دولارلیق نیظامی یاردیم ائدجگینی آچیقلاییب.
بیلدیریلیب کی، نیظامی یاردیم اوکراینایا روسیانین تجاووزونه قارشی لازیم اولان ماتریاللاری چاتدیرماق مقصدی داشیییر.
دیگر طرفدن فرانسا پرئزیدئنتی امانوئل ماکرون، اوکراینا پرئزیدئنتی ولادیمیر زئلئنسکی و آمریکانین ۴۷-جی پرئزیدئنتی سئچیلن دونالد ترامپ فرانسانین پایتاختی پاریسده روسیا-اوکراینا ساواشینی موذاکیره ائدیبلر.
