گورجوستاندا گؤستریلر داوام ائدیر
گورجوستاندا حکومتین آوروپا بیرلیگینه عضولوک دانیشیقلارینی ۲۰۲۸-جی ایله قدر دایاندیرماسیندان سونرا باشلایان اعتراض آکسیالاری ۱۰-جو گون ده داوام ائدیب.
گورجوستاندا حکومتین آوروپا بیرلیگینه عضولوک دانیشیقلارینی ۲۰۲۸-جی ایله قدر دایاندیرماسیندان سونرا باشلایان اعتراض آکسیالاری ۱۰-جو گونده داوام ائدیب.
پایتاخت تیفلیسده توپلاشان گؤستریچیلر حکومتی ایستعفایا چاغیریب و یئنی پارلامئنت سئچکیلرینین کئچیریلمهسینی طلب ائدیبلر.
آکسیالار زامانی بینانین قارشیسیندا تهلوکهسیزلیک تدبیرلری گؤرن پولیس حادثهلرین شیدتی ایله قارشیلاشیب.
پرئزیدئنت سالومه زورابیشویلی حکومتی ژورنالیستلره و اعتراضچیلارا سالدیری ائتمکده اتهام ائدیب.
زورابیشویلی پاریسدهکی الیزه ساراییندا فرانسا پرئزیدئنتی امانوئل ماکرون و آمریکانین سئچیلمیش پرئزیدئنتی دونالد ترامپلا گؤروشدویونو و اؤلکهسینده باش وئرنلر بارهده معلومات وئردیگینی بیلدیریب.
آوروپا پارلامئنتی اوکتیابرین ۲۶-دا گورجوستاندا کئچیریلن پارلامئنت سئچکیلرینین یئنیلنمهسینی طلب ائدیب و موخالیفت و آوروپا بیرلیگی طرفدارلاری کوچهلره چیخاراق گؤستریلر تشکیل ائتمهیه باشلاییبلار.
باش ناظیر کوباخیدزه، بعضی آوروپالی سیاستچیلرین گورجوستانین ایچ ایشلرینه قاریشدیغینی، اونلاری آوروپا بیرلیگینین پوللاری ایله شانتاژ ائتدیگینی بیلدیرهرک، «بیز ۲۰۲۸-جی ایلین سونونا قدر آوروپا بیرلیگی ایله دانیشیقلارین باشلانماسینی گوندمه گتیرمهمهیه قرار وئردیک» دئدی.
آمریکا دیش ایشلری باخانی دا گورجوستانلا ایستراتئژیک علاقهلرین دایاندیریلدیغینی آچیقلاییب.
اوکراینا پرئزیدئنتی ولادیمیر زئلئنسکی ده کوباخیدزه و بعضی حکومت مقاملارینا تحریم تطبیق ائدیلمهسی حاقیندا فرمانی ایمضالاییب.
