ناسا آرتئمیس پروقرامی اوچون پلانلاشدیریلان تاریخی تاخیره سالدی
آمریکا هاواجیلیک و اوزای آژانسی آیا دؤنوش لاییحهسی اولاراق بیلینن "آرتئمیس پروقرامی" اوچون پلانلاشدیریلان تاریخلرین تاخیره سالیندیغینی آچیقلاییب.
آمریکا هاواجیلیک و اوزای آژانسی (ناسا) آیا دؤنوش لاییحهسی اولاراق بیلینن "آرتئمیس پروقرامی" اوچون پلانلاشدیریلان تاریخلرین تاخیره سالیندیغینی آچیقلاییب.
Space.com سایتیندا یئر آلان خبره گؤره، ناسا باشقانی بیل نلسون مطبوعات کونفرانسیندا مؤوضوع ایله باغلی آچیقلاما وئریب.
نلسون، ۱۹۷۲-جی ایلدن بو یانا آرتئمیس پروقرامی چرچیوهسینده حیاتا کئچیریلهجک ایلک خدمهلی آی میسیونو آرتئمیس ۲-جی-نین تاریخینی پلانلاشدیریلان ۲۰۲۵-جی ایلین سپتامبر تاریخیندن ۲۰۲۶-جی ایلین آپرئلیندن سونرایا کئچیردی. او، ۲۰۲۶-جی ایلده آیا ائنمهسی پلانلاشدیریلان آرتئمییده ۳-جو میسیونون ۲۰۲۷-جی ایله تاخیره سالیندیغینی بیلدیریب.
نئلسون، بو گئجیکمهلرین ۲۰۲۲-جی ایلده آرتئمیس ۱-جی سیناق اوچوشو زامانی خدمهسیز آتیلان اوریون کپسولونون یئره دؤنرکن ایستیلیک قورویوجو بؤلومونده یارانان پروبلئملرله باغلی اولدوغونو بیلدیره اک، «بیزه، صنایعمیزه و بین الخالق طرفداشلاریمیزا اوریون کپسولونون آستروناوتلاریمیزی تهلوکهسیز شکیلده درین اوزایا آپاریب اونلاری یئره قایتارماغا حاضیر اولدوغوندان امین اولماق اوچون بو واخت لازیمدیر» دئدی.
ناسا-نین آستروناوتلارین آیا قاییتماق مقصدینه چاتارکن قارشیلاشا بیلهجکلری ریسکلری آنلاماق اوچون گئنیش سیناقلار کئچیردیگینی قئید ائدن نئلسون، بو سیناقلارین کوسمیک گمیده میدانا گلن ایستیلیک قالخانی پروبلئملرینین کؤک سببینی تعیین ائدجگینی ایفاده ائتدی.
