گونئی کورهده یونا قارشی نوماییشلر داوام ائدیر
گونئی کورهده پرئزیدئنت یوون سوک یولون ایستعفاسینی طلب ائدن غیری-حکومت تشکیلاتلارینین عضولری ایکینجی گون ده نوماییشلرینی داوام ائتدیریرلر.
گونئی کورهده پرئزیدئنت یوون سوک یولون ایستعفاسینی طلب ائدن غیری-حکومت تشکیلاتلارینین عضولری ایکینجی گون ده نوماییشلرینی داوام ائتدیریرلر.
اؤتن گون شهر مرکزلرینده توپلاشان نوماییشچیلر بیر نئچه ساعات عرضینده اوولکی گون اعلان ائتدیگی نیظامی وضعیتی لغو ائدن یونون ایستعفاسینی طلب ائدیبلر.
کوره سندیکالاری کونفئدراسیونون عضولری ده داخیل اولماقلا مینلرله غیری-حکومت تشکیلاتی عضولری یونون ایستعفاسی اوچون نوماییش کئچیریب.
نوماییشچیلر اللرینده «وطنه خیانتکار جینایتکار یون سوک یول و اونون ال آلتیلاری درحال حبس ائدیلمهلیدیر» یازیلمیش پانکارتلارلا یوروش ائدیبلر.
کوره سندیکالاری کونفئدراسیونو یون وظیفهسینی ترک ائدنه قدر غیری-معین مدته اعتصاب ائتمک قرارینا گلیب.
کونفئدراسیون ایله یاناشی، ایشتیراکچی دئموکراسی اوغروندا خالق بیرلیگینین و دیگر غیری-حکومت تشکیلاتلارینین عضولری ده بیر گون اوّل پایتاخت سئولون قوانقوامون میدانینا توپلاشاراق یونون ایشدن چیخاریلماسینی طلب ائدیبلر.
پرئزیدئنت یون سوک یول دئکابرین ۳-ده موخالیفتین «دؤولت علیهینه فعالیتلرده ایشتیراک ائتدیگینی» اساس گتیرهرک نیظامی وضعیت اعلان ائدیب.
پارلامئنتین فؤوق العاده ایجلاسیندا نیظامی وضعیت قرارینین لغوی تکلیفی ۱۹۰ میللت وکیلینین سسی ایله قبول ائدیلیب. میللی مجلیسنین پرئزیدئنت آپاراتی سس وئرمهدن سونرا نیظامی وضعیتین "قوهسیز قالدیغینی" اعلان ائتدی.
پارلامئنتدهکی سس وئرمهدن سونرا گئری آددیم آتان یون ناظیرلر شوراسینی توپلاییب و کابینهنین تصدیقیندن سونرا نیظامی وضعیته سون قویدوغونو آچیقلاییب.
