گورجوستاندا اعتراضلار داوام ائدیر
گورجوستاندا آوروپا بیرلیگینه عضولوک دانیشیقلارینین ۲۰۲۸-جی ایله قدر دایاندیریلماسینا اعتراضلار داوام ائدیر.
گورجوستاندا آوروپا بیرلیگینه عضولوک دانیشیقلارینین ۲۰۲۸-جی ایله قدر دایاندیریلماسینا اعتراضلار داوام ائدیر.
باش ناظیر ایراکلی کوباخیدزهنین آوروپا بیرلیگینه عضولوک دانیشیقلارینی ۴ ایل مدتینه دایاندیرماق قرارینی تنقید ائدن نوماییشچیلر نویابرین ۲۸-ده پایتاخت تیفلیسده باشلادیقلاری اعتراضلارینی ۷-جی گوندور ده داوام ائتدیریرلر.
دونن آخشام ساعتلاریندا یئنیدن پارلامئنت بیناسی قارشیسینا توپلاشان مینلرله نوماییشچی حکومت علیهینه شوعارلار سسلندیرهرک، آوروپا بیرلیگی و گورجوستان بایراقلاری ایله چیخیش ائدیبلر.
تهلوکهسیزلیک مقصدیله پولیس اؤزل قووتلرینین و ایچ ایشلر ناظیرلیگینه باغلی تضییقلی سو ماشینلارینین اولدوغو اراضیده کئچیریلن اعتراضدا ایشتیراک ائدن موخالیفت پارتیلرینین لیدئرلری نوماییشچیلری داغیلماماغا چاغیریر.
آوروپا پارلامئنتی اوکتیابرین ۲۶-دا گورجوستاندا کئچیریلن پارلامئنت سئچکیلرینین یئنیلنمهسینی طلب ائدیب، موخالیفت و آوروپا بیرلیگینه یاخین فعاللار کوچهلره چیخاراق نوماییشلر تشکیل ائتمهیه باشلاییبلار.
باش ناظیر کوباخیدزه نویابرین ۲۸-ده وئردیگی آچیقلامادا بعضی آوروپالی سیاستچیلرین گورجوستانین ایچ ایشلرینه قاریشدیغینی و اونلاری آوروپا بیرلیگی-نین پوللاری ایله شانتاژ ائتدیگینی بیلدیریب و دئییب: «بوتون بونلاری نظره آلاراق، آوروپا بیرلیگی ایله دانیشیقلارا باشلاماماق قرارینا گلدیک. ۲۰۲۸-جی ایلین سونونا قدر گوندم." دئدی. کوباخیدزه اؤلکهسینین ۲۰۳۰-جو ایلده آوروپا بیرلیگینه عضو اولماسی اوچون ایشلرینی داوام ائتدیرهجکلرینی وورغولاییب.
