بلژیکلی اکینچیلر اعتراض اولاراق یوللاری باغلادی
بلژیکین والون بؤلگهسیندهکی اکینچی بیرلیکلرینین چاغیریشییلا، یوزلرله اکینچی اؤلکهنین آنا یوللاریندا اعتراضلار تشکیل ائتمهیه باشلادی
بلژیکلی اکینچیلر، تراکتورلارییلا آنا یوللاری باغلایاراق آوروپا بیرلیگی ایله جنوب اورتاق بازاری آراسیندا ایمضالانماسی پلانلانان سربست تیجارت راضیلاشماسینا اعتراض ائتدی.
بلژیکین والون بؤلگهسیندهکی اکینچی بیرلیکلرینین چاغیریشییلا، یوزلرله اکینچی اؤلکهنین آنا یوللاریندا اعتراضلار تشکیل ائتمهیه باشلادی.
اؤلکهنی فرانسا و هلنده باغلایان بعضی آنا یوللاری دا تراکتورلارییلا باغلایان اکینچیلر، ترافیک آخیشینا مانع تؤرتدی.
بلژیکلی اکینچیلر، آوروپا بیرلیگینین آژانتین، برزیل، پاراگوئه و اوروگوئهنین ده عضولری اولدوغو جنوب اورتاق بازاری ایله ائتمهیی پلانلادیغی و ات محصوللارینی دا احاطه ائدن سربست تیجارت راضیلاشماسینا مانع تؤرتمک ایستییر.
آوروپا بیرلیگینین جنوب اورتاق بازاری ایله ۱۹۹۹دان بو یانا داوام ائتدیردیگی سربست تیجارت راضیلاشماسی گؤروشمهلرینین بو آی ایچینده تاماملانماسی گؤزلنیلیر.
راضیلاشما ایله آوروپا بیرلیگینین جنوب اورتاق بازاری اؤلکهلریندن اکینچیلیک محصوللاری و ات ایدخالاتینین اؤنونون آچیلماسی نظرده توتولور. آوروپا بیرلیگی حیوان یئتیشدیریجیلری، بؤلگهدن اوجوز ات ایدخالاتینا "حاقسیز رقابت" سببی ایله قارشی چیخیر.
