اوکراینا ناتودان "عاجیل اولاراق" هاوا مدافعه سیستمی ایستهدی
ناتو عمومی کاتیبی مارک روته و سیبیگا، بلژیکین پایتاختی بروکسلده ناتو خاریجی ایشلر ناظیرلری ییغینجاغی حاشیهسینده تشکیل ائدیلهن ناتو-اوکراینا شوراسی فورمتیندهکی ایجلاس اولی شرحلر وئردی
اوکراینا خاریجی ایشلر ناظیری آندری سیبیگا، ناتودان اؤلکهسینین انرژی تاسیسلری و آلت یاپیسینی قورویا بیلمهسی اوچون "عاجیل اولاراق" علاوه ۱۹ هاوا مدافعه سیستمی ایستهدی.
ناتو عمومی کاتیبی مارک روته و سیبیگا، بلژیکین پایتاختی بروکسلده ناتو خاریجی ایشلر ناظیرلری ییغینجاغی حاشیهسینده تشکیل ائدیلهن ناتو-اوکراینا شوراسی فورمتیندهکی ایجلاس اولی شرحلر وئردی.
ناتونون اوکراینایا دستیگینی تکرارلایان روته، "متفیقلرین سیزینله بیرلیکده اولدوغو مؤوضوعوندا سیزی آرخایین ائتمک ایستهییرم" دئدی.
روته، ساواشین سوردوگو اوکراینادا سویوق قیش گونلرینین ده یاشاندیغینا ایشاره ائدرک، انرژی شبکهسی و آلت یاپینین قورونماسینا دستک اولونماسی لازیم اولدوغونو وورغولادی. روته، "اوکراینادا روسیانین قیشی سلاح حالینا گتیرمهسینه ایجازه وئرمهریک" دئیه دانیشدی.
روته، اوکراینانین باشدا هاوا مدافعه سیستملری اولماق اوزره عسگری کؤمکلرین آرتیریلماسی احتیاجینا دا توخوندو.
اوکراینا خاریجی ایشلر ناظیری سیبیگا ایسه اؤلکهسینین گلهجگیی اوچون "قطعیلیگه" احتیاجلاری اولدوغونو دیله گتیرهرک، "ایندی ژئوپولیتیک قطعیلیک زامانیدیر و بیزیم بو قطعیلیگه احتیاجیمیز وار. بیزی گوجلهندیرهجک، توتوملاریمیزی گوجلهندیرهجک گوجلو قرارلارا احتیاجیمیز وار" دئدی.
روسیانین اؤلکهدهکی انرژی قایناقلارینی "سلاح حالینا گتیردیگی" شرحینی وئرن سیبیگا، اؤلکهسینین ایستراتژیک انرژی تاسیسلرینی و آلت یاپیلارینین قورونماسی اوچون "عاجیل اولاراق علاوه ۱۹ هاوا مدافعه سیستمینه احتیاجلاری اولدوغونو" دیله گتیردی.
سیبیگا، "بو ۱۹ هاوا مدافعه سیستمینی تامین ائتدیکدن سونرا قیشی کئچیرجگیمیزدن آرخایینیق" ایفادهسیندن ایستیفاده ائتدی.
