پ.ک.ک/ی.پ.گدن سوریه میللی اوردوسونا پوسو؛ ۶ اؤلو
سوریهنین دئیر حافیر بؤلگهسینده بؤلوچو ترور تشکیلاتی پ.ک.ک/ی.پ.گ-نین سالدیریسی نتیجهسینده سوریه میللی اوردوسونون ۶ عسگری شهید اولوب.
سوریهنین دئیر حافیر بؤلگهسینده بؤلوچو ترور تشکیلاتی پ.ک.ک/ی.پ.گ-نین سالدیریسی نتیجهسینده سوریه میللی اوردوسونون ۶ عسگری شهید اولوب.
بؤلوچو ترور تشکیلاتی، آزادلیق شفقی عملیاتی چرچیوهسینده سوریه میللی اوردوسو عسگرلری طرفیندن تروردان تمیزلنن دئیر حافیره سحر ساعاتلاریندا سیزماغا تلاش ائدیب.
شیدتلی قارشیدورمادان سونرا بؤلوچو ترور تشکیلاتی سوریه میللی اوردوسو مؤقعلرینه سالدیری ائدیب.
۶ سوریه میللی اوردوسو ائلئمئنتینین اؤلدویو سالدیریدان سونرا ترورچولار منبیج خطینه چکیلیب.
یئرلی منبعلردن الده ائدیلن معلوماتا گؤره، فرات چایینین شرقینده زور ماغار بؤلگهسینی ایشغال ائدن پ.ک.ک/ی.پ.گ ترورچولاری جرابلوسو راکئتله هدفه آلیب.
سالدیری نتیجهسینده ۲ نفر اؤلوب، ۸ نفر یارالانیب.
نویابرین ۲۷-ده سوریهنین شیمالیندا حلب ویلایتینین غربینده اسد رئژیمی قوهلری ایله رئژیم علیهینه سیلاحلی قروپلار آراسیندا قارشیدورما باش وئریب.
نویابرین ۲۸-ده حلبین غرب چؤلوندن سرعتله مرکزه دوغرو ایرلیلهین رئژیم علئیهداری سیلاحلی قروپلار نویابرین ۳۰-دا مرکزین بؤیوک بؤلومونو اله کئچیریب.
نویابرین ۳۰-دا خان شئیخون بؤلگهسینی اله کئچیرهرک بوتون ایدلیبه نظارتی اله کئچیرهن سیلاحلی قروپلار حما ایالتینده توققوشاراق ایرلیلییشلرینی داوام ائتدیریرلر.
دئکابرین ۱-ده سوریه میللی اوردوسونون حلب چؤلونده ترور تشکیلاتی پ.ک.ک/ی.پ.گ-یه قارشی باشلاتدیغی «آزادلیق شفقی» عملیاتی زامانی تل رفعت منطقهسین مرکزی تروردان خیلاص ائدیلیب.
