نیکولاس مادورو کؤچ پروبلئمینه دقت چکدی

ونزوئلا دؤولت باشقانی نیکولاس مادورو، تک طرفلی غیر قانونی تحریملرین قالدیریلماسی حالیندا، جنوبدان شیمالا کؤچ آخیشینین دایاناجاغینی وورغولادی.

پایتاخت کاراکاس‌دا تشکیل ائتدیگی هفته‌لیک مطبوعات کونفرانسیندا قیمتلندیرمه‌لر وئرن نیجکولاس مادورو، کؤچ پروبلئمینه دقت چکدی.

مادورو، باشدا اؤلکه‌سینه اولماق اوزره، تک طرفلی اقتصادی تحریملرین قالدیریلماسی وضعیتینده جنوبدان شیمالا دوغرو اولان کؤچ آخیشینین دایاناجاغینی ایفاده ائتدی.

آمریکا بیرلشمیش دؤولتلری باشقانی جو بایدن‌ه سسلنه‌ن مادورو،

"ونزوئلا تامامی ایله پروبلئملرینی آشدیغیندا و اؤلکه، اوزرینده‌کی بوتون اقتصادی تحریملردن خلاص اولدوغوندا، ۱ ایلده‌ن قیسا بیر مدت ایچینده آمریکایا تک بیر کؤچمن بئله گئتمه‌یه‌جک. کؤنوللو اولاراق دؤنمک ایسته‌یه‌ن بوتون کؤچمنلره قاپیمیز آچیق" دئدی.

نیکولاس مادورو، اؤلکه‌سینه ایستیقامتلی تک طرفلی و غیر قانونی تحریملره باخمایاراق ونزوئلا اقتصادیاینین ۱۴ دؤردده‌بیردیر بؤیومه قئید ائتدیگینی ده بیلدیردی.

ونزوئلانین ۲۰۲۵ه اولدوقجا یاخشی حاضیرلاندیغینی ایفاده ائد‌ن مادورو، پلانلی و ایستراتژیک بؤیومه اوچون محصولدار بؤلوملرده‌کی ایرلیله‌مه‌نی یاخیندان ایزله‌دیکلرینی سؤیله‌دی.

حکومت معلوماتلارینا گؤره، سون ۱۰ ایلده ونزوئلا، باشدا آمریکادان اولماق اوزره ۹۰۰ون اوزرینده خاریجی تحریمه معروض قالدی.