جنوبی کورهده حربی وضعیت قالدیریلدی
جنوبی کورهده ناظیرلر کابینهسی، تخمیناً ۶ ساعات قوهده قالان حربی وضعیت تطبیقینی رسمی اولاراق سونا چاتدیراجاق تکلیف اوچون سس وئردی
جنوبی کورهده کابینه عضولری، حربی وضعیتین قالدیریلماسینا باغلی مجلیسه تقدیم ائدیلهن تکلیفین سس بیرلیگی ایله قبول ائدیلمهسینین آردیندان حربی وضعیتی سونلاندیرما قرارینا تصدیق وئردی.
ناظیرلر کابینهسی، تخمیناً ۶ ساعات قوهده قالان حربی وضعیت تطبیقینی رسمی اولاراق سونا چاتدیراجاق تکلیف اوچون سس وئردی. یئرلی ساعاتلا سحر ۰۴.۳۰دا حربی وضعیتین قالدیریلماسینا باغلی تکلیف تصدیقلهندی و رسمی اولاراق قوهدن قالدیریلدی.
جنوبی کوره دؤولت باشقانی یوون سوک یول، "موخالیفتین دؤولت اقارشیدی فعالیتلره بولاشدیغی" سببی ایله حربی وضعیت اعلان ائتمیشدی.
دؤولت باشقانی یوون، بیر تلویزیون کانالینا وئردیگی شرحده، موخالیفتی "دؤولت علیهینده فعالیتلره بولاشماقلا" گوناهلاندیرمیشدی.
اؤلکهده "حربی وضعیت" اعلان ائدیلدیگینی بیلدیرهن یوون، "حربی وضعیت، شیمالی کوره یانلیسی گوجلری اورتادان قالدیرماغی و آنایاسال آزادلیق نیظامینی قوروماغی مقصد قویور" ایفادهسیندن ایستیفاده ائتمیشدی.
قرارینی، "چتینلیکلرله قارشی قارشییا اولان اؤلکهنی یئنیدن قورماغی و قوروماغی مقصد قویماقلا" مدافعه ائدن یوون، وظیفهیه گلدیگی می ۲۰۲۲دن بو یانا حکومت صلاحیتلیلری حاقیندا ۲۲ وظیفهدن آلما تکلیفی وئریلدیگینی و موخالیفتین میللی مجلیسده ژوئندن بو یانا اؤزونو ۱۰.جو دفعه وظیفهدن آلما جهدینده اولدوغونو ایفاده ائتمیشدی.
یوونون حربی وضعیت قراری، موخالیفتدهکی دموکرات پارتینین پارلمان بودجه کومیسیونوندا بودجه قانونونو رد ائتمهسینین و دؤولت نظارتچیسی ایله باش ساوچی حاقیندا وظیفهلریندن سوءایستیفاده ائتمه تکلیفلری تقدیم ائتمهسینین آردیندان گلمیشدی.
موخالیفتدهکی دموکرات پارتینین سؤزو گئدن حرکتلرینی "بنزری گؤرولمهمیش" اولاراق تانیملایان یوون، "بو حرکتلر ایجرا ائتمه اورگانینین ایشینی یئرینه یئتیرمهسینه جدی شکیلده مانعه تؤرهدیر" دئمیشدی.
یوون، دموکرات پارتینی، بودجه قانونلاریندان و عزل بویوروقلاریندان، دموکرات پارتینین لیدئری لی جه میونگو موهاکیمه اولونماقدان قوروماق اوچون سیاسی بیر واسطه اولاراق ایستیفاده ائتمکله گوناهلاندیراراق، "میللی مجلیس، /…/. گوناهکارلار اوچون بیر سیغیناجاق حالینا گلمیشدیر" ایفادهسیندن ایستیفاده ائتدی.
لی جه میونگا، ۲۰۲۲دهکی باشقانلیق کمپینی اثناسیندا یالان بیاند وئردیگی سببی ایله ۱ ایل حبس جزاسی وئریلمیشدی.
یوونون دا عضوو اولدوغو، اقتدارداکی خالقین گوجو پارتیسینین لیدئری حان دونگ-هوون، حربی وضعیت قرارینی "سهو" دئیه تانیملایاراق اعتراض ائتمیشدی.
موخالیفتدهکی دموکرات پارتینین لیدئری لی جه میونگ دا حربی وضعیت قرارینی "آنایاسایا ضد و خالقا قارشی بیر حرکت" اولاراق تانیملایاراق، "دؤولت باشقانی یوون، سببسیز یئره حربی وضعیت اعلان ائتدی. تانکلار، زرهلی واسطهلر، سلاحلی و قیلینجلی عسگرلر یاخیندا اؤلکهنی کنترل ائدجک" ایفادهسیندن ایستیفاده ائتمیشدی.
