بایدن آنگولادا
جو بایدن، یئریندن ائدیلمیش آفریقالیلار اوچون ۱ میلیارد دولارلیق اینسانی کؤمک آچیقلادی
آمریکا بیرلشمیش دؤولتلری باشقانی جو بایدن، یئریندن ائدیلمیش آفریقالیلار اوچون ۱ میلیارد دولارلیق اینسانی کؤمک آچیقلادی.
جو بایدن، داها اول تخیره سالینان آنگولا سفری داخیلینده دونن پایتاخت لوانایا گئتدی.
لواناداکی کؤلهلیک موزهسینی گزدیکدن سونرا شرحلر وئرن بایدن، باشقانلیغی مدتینده آفریقا قارهسی ایله اورتاق ایدهآللارا چاتماغی مقصد قویان گوجلو بیر اورتاقلیق میدانا گتیرمهیی هدفلدیگینی سؤیلهدی.
بایدن دانیشماسیندا، "تاریخی قوراقلیقلار سببی ایله یئرلریندن ائدیلهن آفریقالیلار اوچون" ۱ میلیارد دولاردان چوخ اینسانی کؤمک دستگی وئرهجکلرینی بیلدیردی.
بایدن، آفریقالی لیدئرلرین کؤمکدن چوخونو، اؤلکهلرینه سرمایه قویولماسینی گؤزلهدیگینی و آمریکاینن دا بو مقصدله آفریقا اؤلکلریله علاقهلرینی گئنیشلتدیگینی دیله گتیردی.
آنگولا جمهورباشقانی ژوآو لوورنسویا بؤلگهدهکی چاتیشمالارین حلینده آراچیلیق ائتمهسی چاغریشی ائدن بایدن آیریجا، روسیانین اوکرایناداکی ساواشینا قارشی چیخماسیندان اؤترو لوورنسویا تشکور ائتدی.
اوچ گونلوک سفر اوچون آنگولادا اولان بایدن، بو اؤلکهیه سفر ائدن ایلک آمریکا باشقانی اولدو.
