گینهده ۳ گونلوک میللی یاس اعلان ائدیلدی
گینهده بیر ایستادیومدا یاشانان ایزدیحامدا حیاتینی ایتیرهن ۵۶ آدام اوچون ۳ گونلوک میللی یاس اعلان ائدیلدی
گینهنین جنوب-شرقینده بیر ایستادیومدا یاشانان ایزدیحامدا حیاتینی ایتیرهن ۵۶ آدام اوچون ۳ گونلوک میللی یاس اعلان ائدیلدی.
حکومتدن وئریلهن شرحده، کوناکرییه تخمیناً ۸۵۰ کیلومتر اوزاقلیقداکی انزرکوره شهرینده تشکیل ائدیلهن ژنرال مامادی دوومبوویا فوتبال تورنمنتینده ایستادیومدا چیخان ایزدیحامدا حیاتینی ایتیرهن ۵۶ آدامین خاطرهسینه ۳ گونلوک یاس اعلان ائدیلدیگی بیلدیریلدی.
باش ناظیر باه اوری اؤندرلیگیندهکی بیر هیئت ده آراشدیرمالار آپارماق اوزره انزرکوره شهرینه گئتدی.
بازار گونو انزرکوره و لابه تیملرینین قارشیلاشدیغی اویوندا، داورین ائو صاحبی تیمه پنالتی وئرمهسی اوزرینه ایستادیومدا حادثهلر چیخمیشدی.
داروه هوجوم ائدن لابه طرفدارلارینی دایاندیرماق اوچون پلیس گؤز یاشاردیجی گازدان ایستیفاده ائتمیش، طرفدارلار دا پلیسه داشلارلا جاواب وئرمیشدی.
ایزدیحامدا، آرالاریندا اوشاقلارین دا اولدوغو ۵۶ آدام حیاتینی ایتیرمیش، یوزلرله آدام یارالانمیشدی.
