آمریکاداکی یهودی گنجلرین یوزده ۳۲سی حماسا یاخینلیق حس ائدیر
ایسرائیل خاریجینده یاشایان یهودی گنجلرین یوزده ۳۶سینین ایسرائیل اوردوسونون غزهده سویقیریم جینایتی ایشلهدیگینه ایناندیقلارینی، یوزده ۳۲سینین ده حماسا سمپاتی دویدوقلاری ایفاده ائدیلدی
آمریکا بیرلشمیش دؤولتلرینده یاشایان یهودی گنجلرین یوزده ۳۲سینین فیلیسطین مقاومت حرکتی حماسا علاقه دویدوغو اورتایا چیخدی.
"موزایک یونایتد" قورولوشونون ایسرائیل دیاسپور و آنتیسمیتیزم ایله موباریزه ناظیرلیگی اوچون ائتدیگی سورغو، ایسرائیل مئدیاسیندا نومایش اولوندو.
بونا گؤره، ایسرائیل خاریجینده یاشایان یهودی گنجلرین یوزده ۳۶سی ایسرائیل اوردوسونون غزهده سویقیریم جینایتی ایشلهدیگینه ایناندیقلارینی، یوزده ۳۲سی ده حماسا سمپاتی دویدوقلارینی ایفاده ائتدی.
سورغو، غزهدهکی ساواش و حماسلا باغلی مؤوضوعلاردا آمریکا بیرلشمیش دؤولتلرینده و دیگر اؤلکهلرده یاشایان یهودی گنجلر آراسیندا گؤروش آیریلیغی اولدوغونو دا اورتایا قویدو.
آمریکادا یاشایان یهودی گنجلرین یوزده ۳۷سینین حماسا سمپاتی دویدوغونا ایشاره ائدیلهن سورغودا، بو نسبتین دیگر اؤلکهلرده یاشایان یهودی گنجلرده یوزده ۷ اولدوغونا یئر وئریلدی.
سورغویا گؤره، آمریکاداکی یهودی گنجلرین یوزده ۴۲سی ایسرائیلین غزهده سویقیریم جینایتی ایشلهدیگینه ایناندیقلارینی ایفاده ائدرکهن، بونو، دیگر اؤلکهلردهکی یهودی گنجلرین یوزده ۹و قبول ائتدی.
۶،۳ میلیونو آمریکادا اولماق اوزره ایسرائیل خاریجینده تخمیناً ۸،۵ میلیون یهودینین یاشادیغی ایفاده ائدیلیر.
