نیجریهده غیری-قانونی اورهتیلن نفت موصادیره ائدیلیب
آفریقا قارهسینین نفت و طبیعی گازلا زنگین اؤلکهسی نیجریهده ۱,۲ میلیون لیتر اوغورلانمیش نفت موصادیره ائدیلیب.
آفریقا قارهسینین نفت و طبیعی گازلا زنگین اؤلکهسی نیجریهده ۱,۲ میلیون لیتر اوغورلانمیش نفت موسادیره ائدیلیب.
نیجریه اوردوسونون ایجتیماعیتله علاقهلر دیرئکتورونون موعاوینی دانژوما ژوناه دانژوما وئردیگی آچیقلامادا اوردونون اؤلکهنین نفت بؤلگهسی اولان نیگر دئلتاسیندا نفت قاچاقچیلارینا قارشی عملیاتلارینین داوام ائتدیگینی بیلدیریب.
دانجوما عملیاتلار زامانی داها ۵۶ غیری-قانونی نفت اورهتیم تاسیسنین محو ائدیلدیگینی و ۱,۲ میلیون لیتر اوغورلانمیش نفتین اله کئچیریلدیگینی بیلدیریب.
عملیاتلار زامانی ۱۷ نفت قاچاقچیسینین ساخلانیلدیغینی بیلدیرهن دانجوما، قاچاقچیلارا عایید ۲۰ قاییغین دا اله کئچیریلدیگی بارهده معلومات پایلاشیب.
نیجریهده نفت اوغورلوغو اؤلکه ایقتیصادینا منفی تأثیر گؤستریر.
نیجریهلی سئناتور نئد نووکو اؤلکهده آرتان نفت اوغورلوغو و بورو کمرلرینه سالدیریلار سببیندن ۲۰۲۳-جو ایلده ۳ میلیارد دولاردان چوخ ضررین اولاجاغینی آچیقلاییب.
نیجریهنین معین ائدیلمیش نفت رزرولری تخمیناً ۳۷ میلیارد بوشکهدیر و دونیا رزرولرینین ۳,۱ فایزینی تشکیل ائدیر.
خام نفت اورهتیمینده دونیانین ایلک ۱۵ اؤلکهسی آراسیندا یئر آلان نیجریه دونیادا ان چوخ نفت رزروارینه مالیک ۸-جی، نفت ایخراجاتیندا ایسه ۶-جی اؤلکهدیر.
نئفت یاتاقلارینین یئرلشدیگی دئلتا بؤلگهسینده سیلاحلی قروپلار طرفیندن نفت معدنلرینین تخریباتی، موناقیشهلر، آدام اوغورلوغو کیمی حادثهلر باش وئریر.
